CG Ration Card KYC: राशन कार्ड धारक बर सुनहरा मौका, बढ़ सकथे e-KYC के समय सीमा

CG Ration Card KYC: छत्तीसगढ़ के राशन कार्ड धारक मन बर एक जरूरी खबर बाहिर आइस हे। प्रदेश मं राशन कार्ड e-KYC (सत्यापन) के काम अब तक पूरा नहीं हो पाइस हे। खाद्य विभाग के मुताबिक, कुल 1.10 करोड़ पंजीकृत सदस्य मन मं ले 77 लाख लोगन ह अब तक e-KYC पूरा कर लीस हें, बाकी के करीब 33 लाख सदस्य ह अभी तक प्रक्रिया ले बाहर हें। ए स्थिति देखके अब सरकार समय सीमा बढ़ाय के विचार मं हे।

25 अक्टूबर रहिस आखिरी तारीख, फेर अधूरा रहिगे काम

राज्य सरकार ह e-KYC के आखिरी तारीख 25 अक्टूबर 2025 तय करे रहिस। फेर त्योहार अउ दिवाली के भीड़ के बीच फील्ड स्तर मं काम धीमा रहिगे। अब हालात ए हवे कि लाखों लोगन के e-KYC अधूरा रहिगे, जेकर बाद विभाग ह समय सीमा बढ़ाय के संकेत दे हे।

रायपुर मं 4 लाख ले जियादा सदस्य अभी बाकी

रायपुर जिला मं कुल 6.48 लाख राशन कार्ड हें, जेमां करीब 22.26 लाख सदस्य पंजीकृत हें। खाद्य विभाग के आंकड़ा मुताबिक, 18.07 लाख सदस्य ह e-KYC पूरा कर चुके हें, जबकि 4.19 लाख सदस्य ह अभी बाकी हें।

दुर्ग, बिलासपुर अऊ अन्य जिला के स्थिति

• दुर्ग जिला – 18.40 लाख सदस्य मं ले 14.60 लाख के सत्यापन पूरा, 3.80 लाख बाकी।

• बिलासपुर जिला – 19.10 लाख सदस्य मं ले 15.25 लाख पूरा, 3.85 लाख बाकी।
  पूरा प्रदेश मं अब तक 77 लाख लोगन ह e-KYC करा लीस हे,
  जबकि 33 लाख सदस्य ह अभी अधूरा हें।

लक्ष्य रहिस 22 हजार प्रतिदिन, फेर फील्ड मं धीमी रफ्तार

खाद्य विभाग ह रोजाना 22 हजार सदस्य के सत्यापन के लक्ष्य रखे रहिस, फेर कई जिला मं न शिविर लगिस, न कर्मचारियों के जवाबदेही तय होइस। विभागीय अधिकारी भूपेंद्र मिश्रा के मुताबिक — “रायपुर मं 85% काम पूरा होगे हे, अब आगे के आदेश मिलही तब बाकी सदस्यन के e-KYC पूरा कराय जाही।”

काबर जरूरी हे e-KYC?

ई-केवाईसी के मकसद फर्जी राशन कार्ड अउ डुप्लीकेट प्रविष्टि खत्म करना हे। आधार लिंकिंग अनिवार्य करे गे हे ताकि वास्तविक पात्र मन ल ही अनाज मिल सके फेर नेटवर्क समस्या, तकनीकी गड़बड़ी अउ जागरूकता के कमी से बहुत सदस्य ह अब तक ई-केवाईसी नहीं करा पाइस हें।