CG नवरात्रि स्पेशल ट्रेन : डोंगरगढ़ जानें वाले भक्त मन बर खुशखबरी, 23 मार्च ले पटरी मा दउड़ही मेमू स्पेशल, 63 स्टेशन मा रुकही
Navratri Special Train 2026 : बिलासपुर: चैत्र नवरात्रि मा डोंगरगढ़ स्थित मां बम्लेश्वरी के दर्शन करेइय्या भक्त मन बर रलवे ह बड़े सुविधा दे हे। नवरात्रि मेला मा होयइय्या भीड़ ला देखत हुए रलवे प्रशासन ह नेताजी सुभाष चंद्र बोस (इतवारी) – कोरबा के बीच ‘मेमू स्पेशल ट्रेन’ चलाय के फैसला ले हे। ये ट्रेन ह 23 मार्च ले 28 मार्च 2026 तक पटरी मा दउड़ही।
14 घंटा के सफर अउ 63 स्टेशन मा ठहराव
भक्त मन के सुविधा बर ये ट्रेन ला अइसन तरीका ले चलाय जाही कि छोटे स्टेशन के यात्री मन घलो आसानी ले डोंगरगढ़ पहुँच सकें।
ट्रेन नंबर 06883 (इतवारी-कोरबा): ये ट्रेन ह बिहनिया 5:00 बजे इतवारी ले छूटही अउ संझा 7:30 बजे कोरबा पहुँचही।
ट्रेन नंबर 06884 (कोरबा-इतवारी): वापसी मा ये ट्रेन ह कोरबा ले बिहनिया 5:10 बजे निकलही अउ संझा 7:30 बजे इतवारी पहुँचही।
डोंगरगढ़ पहुँचे के समय
माता के दर्शन बर जायइय्या यात्री मन बर समय ह बहुत बने हे:
इतवारी ले जायइय्या ट्रेन ह बिहनिया 9:06 बजे डोंगरगढ़ पहुँचही।
कोरबा ले आयइय्या ट्रेन ह मझनिया 1:41 बजे डोंगरगढ़ पहुँचही।
डोंगरगढ़ स्टेशन मा ये ट्रेन ह 5 मिनट तक रुकही ताकि यात्री मन आराम ले उतर-चढ़ सकें।
ये प्रमुख स्टेशन मा रुकही ट्रेन
ये स्पेशल ट्रेन ह अपन सफर मा कुल 63 स्टेशन मा रुकही, जेमा मुख्य रूप ले रायपुर, बिलासपुर, दुर्ग, राजनांदगांव, भाटापारा, चांपा, जांजगीर-नैला, अकलतरा, गोंदिया, भंडारा रोड अउ कामठी जइसन बड़े स्टेशन सामिल हें।
नोट: नवरात्रि मेला के भीड़ ला देखत हुए रलवे ह यात्री मन ले अपील करे हे कि समय सारिणी देख के च अपन यात्रा के तैयारी करं।
