Breaking News: बिलासपुर मं फल गोदाम मं भीषण आग, लाखों के समान राख मं बदले

Breaking News: न्यायधानी बिलासपुर मं बृहस्पति बाजार सब्जी मार्केट के एक फल गोदाम मं बीती रात अचानक भीषण आग लग गे. आग के लपट एते तेज रहिस कि देखते-देखते पूरा गोदाम ल अपने चपेट मं ले लिहिस. हादसा मं लाखों रुपिया के समान जलके खाक हो गे हवय.

सूचना मिलत ही फायर ब्रिगेड अऊ सिविल लाइन थाना पुलिस के टीम मौके मं पहुंचिस अऊ घंटों मशक्कत के बाद आग ल बुझाए गीस. फिलहाल आग लगने के असली कारण के पता नई चल पाइस हवय. पुलिस मामला मं जांच करत हवय अऊ आसपास के CCTV फुटेज के भी जांच करे जात हवय.

स्थानीय व्यापारी मन के कहना हवय कि गोदाम मं केले, सेब, संतरा अऊ होलसेल फल के कार्टून रखे गे रहिस, जेन सब आग मं पूरी तरह जलके राख हो गे हवंय. हादसा रात देर तक चलता रहिस, अऊ बाजार इलाका मं अफरा-तफरी के माहौल बन गे रहिस.