मोतियाबिंद के आपरेशन के बाद 9 मरीज मन ल दिखई देना घलो धुंधला होगे: बीजापुर जिला अस्पताल मं आपरेशन करवाये रहिन

बीजापुर। जिला अस्पताल मं कराय गे मोतियाबिंद के आपरेशन के बाद 9 मरीज मन के आंख के रोशनी धुंधला होगे हे। हालत बिगड़तेच अस्पताल प्रबंधन  सबके रायपुर मेकाहारा रेफर करे गे हे, जिहां मरीज मन के इलाज जारी हे।

जानकारी मुताबिक, बीजापुर जिला अस्पताल मं कुछ दिन पहिली मोतियाबिंद के शिविर लगाय गे रहिस, जिहां करीब 30 मरीज मन के आपरेशन करे गे रहिस। आपरेशन के 2-3 दिन बाद कई मरीज मन बताइन कि आंख ले धुंधला दिखत हे अउ कुछ मन ल रोशनी कम होगे हे।

डॉक्टर मन के कहना हे कि आंख मं इन्फेक्शन या रिएक्शन के असर ले ये हालत हो सकथे। फिलहाल मरीज मन ल मेकाहारा रायपुर भेज के विशेषज्ञ टीम मन निगरानी मं इलाज करत हवंय।

गौर करे जावय, एक साल पहिली दंतेवाड़ा जिला मं घलो मोतियाबिंद आपरेशन के बाद 10 मरीज मन के आंख के रोशनी चले गे रहिस, जऊन मामला मं भारी लापरवाही सामने आय रहिस।

मरीज मन के परिजन मन के कहना हे कि जांच करे जावय कि आखिर आंख के आपरेशन मं एत्तका बड़ा गड़बड़ी काबर होवत हे। प्रशासन अब पूरा मामला मं जांच के निर्देश दे हे।