Bhilai News : एक सलाह ले गेस बुजुर्ग के जान; रद्दा में टोकना ओला पड़ गे भारी, युवक ह मार-मार के ले लिस जान
Bhilai News : भिलाई: छावनी इलाका ले एक दिल दहला देय वाला घटना आगू आए हे। बुधवार के मंझनिया एक बुजुर्ग ल गाड़ी संभाल के चलाय के गोठ कहना ओकर जान के दुश्मन बन गे। आजाद मोहल्ला कैंप-1 के रहइया 66 साल के विक्रम राय अपन संगवारी सुनील राय के संग मोटर साइकिल में जात रिहिन, तभे रद्दा में एक युवक ला लापरवाही ले गाड़ी चलावत देख के ओला टोक दीन।
Bhilai News : समझाइश के बदला मौत:
बुजुर्ग ह युवक ला सिरीफ एतके कहिस कि— “बेटा, गाड़ी ला देख के अउ संभाल के चला।” एतकी बात ला सुन के 19 साल के आरोपी सुकांत उर्फ चिराग सोनकर ह एतका आग बबूला हो गे कि ओ ह बुजुर्ग के रद्दा रोक लिस अउ ओकर ऊपर हाथ-मुक्का ले हमला कर दीस। मार एतका जादा रिहिस कि विक्रम राय ह उहिचे दम तोड़ दीस। बीच-बचाव करे बर आए सुनील राय ला घलो गंभीर चोट आई हे।
पुलिस ह आरोपी ला धर लिस:
घटना के जानकारी मिलत ले छावनी पुलिस ह हरकत में आईस अउ आरोपी सुकांत ला घेराबंदी करके गिरफ्तार कर लिस हे। सीएसपी प्रशांत सिंह ह बताइस कि आरोपी के खिलाफ हत्या के मामला दर्ज करके कानूनी कार्रवाई करे जात हे। थोकन मउका अउ गुस्सा के सेती एक हँसत-खेलत परिवार उजड़ गे।
