करीब 3 साल बाद छत्तीसगढ़ आही राहुल गांधी, 41 जिलाध्यक्ष अउ कार्यकर्ता मन ल करहीं संबोधित
rahul gandhi chhattisgarh visit : रायपुर: लोकसभा म नेता प्रतिपक्ष राहुल गांधी आज छत्तीसगढ़ के बड़का दौरा म रायपुर पहुंचत हें। करीब तीन बछर के लंबा समय के बाद प्रदेश म ओकर आगमन ल लेके राजनीतिक सरगर्मी अब्बड़ तेज हो गे है। अपन ए दौरा म राहुल गांधी ह अभनपुर म चलत कांग्रेस के प्रिसिक्षण कार्यक्रम म सामिल होहीं, जहां ओमन नवा बने 41 जिलाध्यक्ष मन अउ पार्टी के बड़-बड़ पदाधिकारी मन संग गोठ-बात करहीं। ए दौरान संगठन ल मजबूत करे, कार्यकर्ता मन म नवा सुसकरित भरे अउ आगू के चुनावी रणनीति ल लेके जरूरी मंतर-मंतरा अउ दिसा-निरदेस दे जाही।
जिलाध्यक्ष मन ल मिलही टारगेट सीट, संगठन बाढ़े के बनही रणनीति
कांग्रेसी मन के ये प्रिसिक्षण कार्यक्रम ह 20 ले 29 जून तक चलत हे। एमा पार्टी के जम्मो सकरिय कार्यकर्ता अउ जिलाध्यक्ष मन ल बूथ स्तर म मजबूती अउ आगू के राजनीतिक काम-बूता बर सिकाए-पढ़ाए जात हे। राहुल गांधी ह अपन हाथ से जिलाध्यक्ष मन ल टारगेट सीट सउपहीं अउ संगठन के बिसतार बर नवा मंतर देहीं। कांग्रेस के नेता मन के कहना हे कि राहुल गांधी के आए ले कार्यकर्ता मन म एक नवा ऊर्जा बाढ़ी।
भाजपा नेता मन ह राहुल के दौरा म कसिन तंज
राहुल गांधी के छतीसगढ़ आए के पहिली ही भाजपा के नेता मन ह कांग्रेस ऊपर जम्म के निशाना साधिन हे। मंत्री केदार कश्यप ह कांग्रेस के जुन्ना सरकार ऊपर सराब घोटाला के आरुप लगावत कहिन कि कांग्रेस ह प्रदेश म सिरिफ बिसवाघात अउ भिरस्टाचार करे हे। उहंचे, विधानसभा अध्यक्ष डॉ. रमन सिंह घलो कटाछ करत कहिन कि राहुल गांधी ह जहां-जहां जाथे, उहां-उहां कांग्रेस के नुकसान होथे। ओमन कहिन कि राहुल गांधी ल छत्तीसगढ़ जरूर आना चाही, जेकर से इहां कांग्रेस के का हाल हे, ओहा साफ हो जाए।
