खाद-बीज के संकट ला लेके कांग्रेस के हल्लाबोल आज

Congress Protest Raipur : रायपुर। खाद अउ बीज के कमी ला लेके कांग्रेस आज राजधानी रायपुर म बड़ प्रदर्शन करे जावत हे. कांग्रेस कार्यकर्ता मन बिहनिया 11 बजे अंबेडकर चौक से रैली निकाल के कलेक्टर ऑफिस के घेराव करिहें. ए प्रदर्शन के अगुवाई रायपुर ग्रामीण कांग्रेस जिलाध्यक्ष राजेंद्र पप्पू बंजारे करिहें.

कांग्रेस ह भाजपा सरकार उपरा किसान विरोधी नीति अपनाए के आरोप लगाए हे अउ कहे हे कि प्रदेश के कतकोन इलाका म किसान मन ला जरूरत के हिसाब से खाद-बीज नई मिल पावत हे, जेकर से खेती-किसानी बुता म बड़ असर परत हे. एच्चे मुददा ला लेके पार्टी ह सरकार के खिलाफ हल्लाबोल करत हे.

ए प्रदर्शन म पहिली के मंत्री सत्यनारायण शर्मा, धनेंद्र साहू, शिव डहरिया समेत कांग्रेस के कतकोन बड़ नेता अउ भारी संख्या म कार्यकर्ता मन सामिल होिहें. कांग्रेस ह किसान मन के समसिया के तुरते समाधान करे अउ पूरा खाद-बीज देवॉए के मांग करे हे।