तीजनबाई स्वस्थ हें, इंटरनेट म उड़े ओकर मौत के खबर ह फर्जी निकलीस
Teejan Bai Health Update : रायपुर। पद्मविभूषण ले सम्मानित अंतर्राष्ट्रीय पंडवानी गायिका तीजनबाई के निधन के अफवाह अतवार के दिन इंटरनेट म जबर फैल गे रिहिस। देखत-देखत ए गलत खबर ह सोशल मीडिया के अलग-अलग ग्रुप अउ प्लेटफॉर्म म वायरल हो गे, जेकर ले ओकर चाहने वाला अउ परसंसा मन म शोक के लहर दौड़ गे।
संज्या होत ले कतको झन ह तीजनबाई के फोटो डाल के ‘श्रद्धांजलि’ के संदेस भेजे ल धर लिन। बिना कोनो जांच-परख अउ आधिकारिक पुष्टि के लोगन मन ए पोस्ट ल आगू बढ़ावत रिहिन, जेकर ले ओकर गांव ले लेके देस-बिदेस म मौजूद शुभचिंतक मन भारी चिंता म आ गे रिहिन। लोगन मन एक-दूसर ल फोन लगाके सच्चाई जाने के कोसिस करत रिहिन।
जब मामला जादा बढ़ गे, तब तीजनबाई के घरवाला अउ संगवारी मन ह आगू आके ए खबर ल पूरा तरीका ले झूठा अउ अफवाह बताईन। ओमन किहिस कि तीजनबाई बिल्कुल स्वस्थ हें अउ अपन घर म सुरक्षित हें। ओकर नातिन ह घलो सोशल मीडिया म स्टेटस डाल के ए खबर के खंडन करिस। परिवार के लोगन मन ह अपील करे हें कि बिना कोनो सच जाने अइसन भ्रामक जानकारी झन फैलाएं, जेकर ले बेमतलब के असमंजस पैदा होथे।
