रायपुर शहर कांग्रेस के नवा कार्यकारिणी के एलान, कई नवा चेहरा मन ल मिलिस मौका, देखव सूची
Raipur City Congress : रायपुर। छत्तीसगढ़ प्रदेश कांग्रेस संगठन कोती ले एक बड़ फैसला लेवत हुए रायपुर सहर जिला कांग्रेस के नवा कार्यकारिणी के घोषणा कर दे गे हे। पीसीसी चीफ दीपक बैज के मंजूरी के बाद सहर अध्यक्ष कुमार मेनन ह अपन नवा टीम तइयार करे हे, जेमा संगठन ल मजबूत बनाय बर खास धियान दे गे हे।
रायपुर सहर कांग्रेस के ये नवा 61 सदस्यीय टीम में अलग-अलग पद मन के बंटवारा करे गे हे। एमा 12 उपाध्यक्ष, 19 महामंत्री, 20 सचिव अउ 10 कार्यकारिणी सदस्य बनाय गे हें। संगठन ल बूथ स्तर तक ले जाय अउ आने वाला चुनाव के तैयारी ल देखत हुए ये जिम्मेदारी सौंपे गे हे।
ये बखत कार्यकारिणी में कई ठन नवा चेहरा मन ल मौका दे गे हे, जबकि पिछला कार्यकारिणी के कई जुन्ना पदाधिकारी मन ल एदारी बाहर रखे गे हे। पार्टी के मानना हे कि नवा टीम ले संगठन में नवा ऊर्जा अउ सक्रियता आही। नवा टीम के गठन के बाद कार्यकर्ता मन में भारी उत्साह देखे बर मिलत हे अउ उम्मीद जताय जावत हे कि एखर ले सहर में कांग्रेस के पकड़ अउ मजबूत होही।
