छत्तीसगढ़ म रेल यात्री मन के आफत फेर 10 ट्रेन रद्द
बिलासपुर। रेल म सफर करइया यात्री मन बर एक ठन बड़े झन झटका के खबर आबद हे। बिलासपुर मंडल के अकलतरा स्टेशन म चौथी लाइन जोड़े बर नॉन इंटरलॉकिंग के काम करे जाही, जेकर सेती रेलवे ह 10 यात्री ट्रेन मन ला रद्द कर दीस हे। ये काम 11 अप्रैल ले शुरू हो के 18 अप्रैल तक चलही, जेकर ले जम्मों डहर के यात्री मन ला भारी हलाकान होना पड़ही।
ये ट्रेन मन के परिचालन रहिही बंद:
रेलवे ह जउन ट्रेन मन ला रद्द करे हे, ओकर लिस्ट अइसन हे:
-
बिलासपुर-रायगढ़-बिलासपुर मेमू (68738/68737): 11 ले 18 अप्रैल तक रद्द।
-
रायगढ़-बिलासपुर मेमू (68735): 12 ले 19 अप्रैल तक रद्द।
-
बिलासपुर-रायगढ़ मेमू (68736): 11 ले 18 अप्रैल तक रद्द।
-
रायपुर-गेवरा रोड मेमू (68746): 11 ले 18 अप्रैल तक रद्द।
-
गेवरा रोड-रायपुर मेमू (68745): 12 ले 19 अप्रैल तक रद्द।
-
रायपुर-कोरबा पैसेंजर (58204): 11 ले 18 अप्रैल तक रद्द।
-
कोरबा-रायपुर पैसेंजर (58203): 12 ले 19 अप्रैल तक रद्द।
-
बिलासपुर-गेवरा रोड-बिलासपुर मेमू (68734/68733): 11 ले 18 अप्रैल तक रद्द।
-
बिलासपुर-कोरबा-बिलासपुर मेमू (68732/68731): 11 ले 18 अप्रैल तक रद्द।
-
बिलासपुर-गेवरा रोड पैसेंजर (58210): 11 ले 18 अप्रैल तक रद्द।
आधा रस्ता म समाप्त होइया ट्रेन:
-
गोंदिया-झारसुगुड़ा पैसेंजर (68861): ये ट्रेन ह बिलासपुर स्टेशन म ही समाप्त हो जाही, बिलासपुर अउ झारसुगुड़ा के बीच नई चलय।
-
झारसुगुड़ा-गोंदिया पैसेंजर (68862): ये ट्रेन ह झारसुगुड़ा के जगह बिलासपुर स्टेशन ले ही छूटही।
यात्री मन के सुविधा बर हसदेव एक्सप्रेस (18250/18249 अउ 18252/18251) ला कोरबा-बिलासपुर-कोरबा के बीच पैसेंजर बना के चलाय जाही। रेलवे ह मनखे मन ला सलाह दीस हे कि घर ले निकले के पहिली 139 नंबर म फोन करके अपन ट्रेन के जानकारी जरूर ले लवन।
