रेलवे में नौकरी के बढ़िया मौका: 10वीं पास अउ ITI वाले मन बर बंपर भर्ती, बिना कोनो लिखित परीक्षा के होही चयन

Railway Recruitment 2026 : अगर आप मन सरकारी नौकरी के तलाश में हो अउ 10वीं के साथ ITI करे हो, तो आप मन बर रेलवे में काम करे के बढ़िया मौका आय हे। ये भर्ती के सबले बड़े बात ये हे कि एमा जादा करके लिखित परीक्षा नहीं होवय, बल्कि सीधा मेरिट के आधार में चुनाव करे जाथे। जेकर मन के 10वीं अउ ITI में अच्छा नंबर हे, ओ मन बर ये सुना अवसर हे। ये भर्ती बर आप मन 11 अप्रैल 2026 तक फॉर्म भर सकथौ।

कतेक होय बर चाहिए उमर (Age Limit)? ये भर्ती बर उम्मीदवार के उमर कम ले कम 15 साल अउ जादा ले जादा 24 साल होय बर चाहिए। उमर के गिनती 11 अप्रैल 2026 के हिसाब ले करे जाही। अगर आप मन SC, ST, OBC या कोनो आरक्षित वर्ग ले आथौ, तो आप मन ला सरकार के नियम के हिसाब ले उमर में छूट घलो मिली।

का-का चाहिए योग्यता? एमा आवेदन करे बर उम्मीदवार ला 10वीं पास होना जरूरी हे, अउ ओमा कम ले कम 50% नंबर होना चाहिए। संगे-संग कोनो मान्यता प्राप्त संस्थान ले ITI के सर्टिफिकेट होना घलो जरूरी हे, अउ वोह उही ट्रेड में होना चाहिए जेमा आप मन अप्लाई करत हो।

कतेक लगही फीस? ये भर्ती बर सामान्य, ओबीसी अउ ईडब्ल्यूएस वर्ग के मन ला 100 रुपिया फीस दे बर लगही। उहें SC, ST अउ जतका घलो महिला उम्मीदवार हें, ओ मन बर कोनो फीस नहीं रखे गे हे।

कइसे होही चयन? ये भर्ती में चुनाव के तरीका बहुत सरल हे। एमा कोनो लिखित परीक्षा नहीं होही। सबले पहिली उम्मीदवार मन के 10वीं अउ ITI के नंबर के आधार में एक मेरिट लिस्ट बनाय जाही। जे मन मेरिट में आहीं, ओ मन ला कागज-पत्तर जांच (Document Verification) बर बुलाय जाही। ओकर बाद मेडिकल टेस्ट होही अउ अंतिम चुनाव करे जाही।

कइसे करव आवेदन?

• पहिली: सबले पहिली आधिकारिक वेबसाइट rrc.scr.indianrailways.gov.in ऊपर जाव।

• दूसर: उहां “Apprentice Recruitment 2026” या “Notification” दिखही, ओमा क्लिक करव।

• तीसर: “New Registration” में जाके अपन जानकारी भरव।

• चौथ: रजिस्ट्रेशन के बाद User ID अउ Password ले लॉगिन करव।

• पांचवां: जरूरी कागज अउ फोटो अपलोड करव।

• छठवां: आखिर में फीस जमा करके फॉर्म ला सबमिट कर दव।