वन अउ जेल विभाग मा बंपर भर्ती :10वीं पास बर घलो मौका, जानव कइसने अउ कब तक करे बर हे आवेदन
MP Govt Jobs 2026 : भोपाल | 03 मार्च 2026 : अगर आप मन सरकारी नौकरी के तैयारी करत हव, त आप मन बर एक ठन बहुत बड़े खुसखबरी आगू आई हे। मध्यप्रदेश कर्मचारी चयन मंडल (MPESB) ह वनरक्षक, जेल प्रहरी, क्षेत्र रक्षक अउ सहायक जेल अधीक्षक के कुल 1679 पद बर भर्ती निकाले हावे। ए भर्ती मा छत्तीसगढ़ के पड़ोसी राज्य मध्यप्रदेश मा काम करे के सुग्घर मौका हे।
कउन पद मा कतका भर्ती?
ए भर्ती मा कुल 1679 पद भरे जाही, जेखर विवरण अइसने हे:
जेल प्रहरी: 757 पद
वनरक्षक (Forest Guard): 728 पद
क्षेत्र रक्षक: 169 पद
सहायक जेल अधीक्षक: 25 पद
कतका मिलही तनखा (Salary)?
तनखा के मामला मा ए नौकरी ह बहुत बने हे। वनरक्षक अउ जेल प्रहरी बर 19,500 ले 62,000 रुपिया महिना तक मिलही। ओतके डहार सहायक जेल अधीक्षक बर 36,200 ले 1,14,800 रुपिया तक के वेतन तय करे गे हे। एकर संग सरकारी सुविधा जैसे महंगाई भत्ता अउ घर भाड़ा घलो मिलही।
योग्यता अउ उमर (Eligibility & Age)
पढ़ई: वनरक्षक अउ जेल प्रहरी बर 10वीं या 12वीं पास होना जरूरी हे। सहायक जेल अधीक्षक बर ग्रेजुएशन (स्नातक) होना अनिवार्य हे।
उमर: कम ले कम 18 साल अउ जादा ले जादा 33 साल (1 जनवरी 2026 के हिसाब ले)। आरक्षित वर्ग ला नियम के मुताबिक छूट मिलही।
जरूरी तारीख मन ला नोट कर लव
आवेदन के आखिरी तारीख: 14 मार्च 2026
सुधार करे के तारीख: 19 मार्च 2026 तक
परीक्षा सुरु: 7 अप्रैल 2026 ले
कतका लगी फीस?
सामान्य अउ बाहिर राज्य बर: 500 रुपिया
SC/ST/OBC (MP निवासी) बर: 250 रुपिया
(पोर्टल चार्ज अलग ले रही)
चयन कइसने होही?
सबले पहिली 100 नंबर के लिखित परीक्षा होही, जेमा सामान्य ज्ञान, विज्ञान, हिंदी, अंग्रेजी अउ गणित के सवाल रही। ओकर बाद शारीरिक दछता परीक्षा (Physical), डाक्यूमेंट चेकिंग अउ मेडिकल टेस्ट होही। आखरी मा मेरिट के आधार मा नौकरी मिलही।
आवेदन कइसने करबो?
आप मन ला MPESB के ऑफिशियल वेबसाइट मा जाके ऑनलाइन फार्म भरना परही। फार्म भरे के बाद ओखर प्रिंट आउट ला अपन मेर रख लेव।
