मध्य प्रदेश के लाडली बहना मन बर खुशखबरी! मोहन सरकार ह बजट म खोलिस सौगात के पिटारा, जानव का हे खास

MP Budget 2026 : भोपाल: मध्य प्रदेश विधानसभा म डॉ. मोहन यादव के सरकार ह वित्तीय वर्ष 2026-27 बर अपन बजट पेश कर दीस हे। वित्त मंत्री जगदीश देवड़ा ह सदन म प्रदेश के पहिली ‘पेपरलेस’ (बिना कागज के) बजट पढ़िन। ये बार के बजट म किसान, जवान अउ महिला मन बर बड़े घोषणा करे गे हे। सरकार ह अपन सबले बड़े ‘लाडली बहना योजना’ बर खजाना खोल दीस हे, जेखर ले प्रदेश के करोड़ों महिला मन ल फायदा मिलही।

लाडली बहना अउ लक्ष्मी योजना बर भारी बजट वित्त मंत्री ह सदन म बताइस कि लाडली बहना योजना ल जारी रखे बर ये बार बजट म 23 हजार 882 करोड़ रुपया के प्रावधान करे गे हे। एकर अलावा, लइका मन के भविष्य बर ‘लाडली लक्ष्मी योजना’ म 1 हजार 852 करोड़ रुपया अउ पूरा नारी कल्याण बर कुल 1 लाख 27 हजार 555 करोड़ रुपया के व्यवस्था करे गे हे। सरकार के ये कदम ले महिला मन के आर्थिक स्थिति अउ मजबूत होही।

किसान अउ युवा मन के घलो राखिस ध्यान ये बार के बजट ल ‘कृषि वर्ष’ के रूप म किसान मन ल समर्पित करे गे हे। बजट म युवा मन बर रोजगार अउ नवा योजना मन के घलो एलन करे गे हे। पेपरलेस बजट होय के सेती ये बार तकनीक के घलो जमके प्रयोग करे गीस। मोहन सरकार के ये बजट ले प्रदेश के विकास ल नवा रफ़्तार मिले के उम्मीद जताय जावत हे।