शराब घोटाला : सौम्या चौरसिया पहुंचीस हाई कोर्ट, जमानत याचिका ऊपर सुनवाई आज
बिलासपुर। छत्तीसगढ़ के बहुचर्चित शराब घोटाला मामला मा अब गरमा-गरमी बढ़ गे हे। पूर्व मुख्यमंत्री के डिप्टी सेक्रेटरी सौम्या चौरसिया ह ED के गिरफ्तारी ल चुनौती देवत बिलासपुर हाई कोर्ट मा जमानत बर याचिका दायर करे हे। ए मामला मा आज हाई कोर्ट मा सुनवाई होही।
सिंडिकेट मा ‘सक्रिय सदस्य’ होवे के आरोप ED के जांच मा बड़े खुलासा होय हे। जांच एजेंसी के कहना हे कि सौम्या चौरसिया शराब सिंडिकेट के एक सक्रिय सदस्य रहीन अउ ओमन ल लगभग 115.5 करोड़ रुपिया के अवैध कमाई (POC) मिले रिहिस। अनवर ढेबर अउ अनिल टुटेजा के साथ व्हाट्सएप चैट ल ED ह बड़े सबूत के रूप मा कोर्ट मा पेश करे हे। अभी सौम्या ह 14 दिन के ED रिमांड मा हे।
अधिकारी मन मा डर: अब कखर बारी? सौम्या चौरसिया के दोबारा गिरफ्तारी के बाद छत्तीसगढ़ के बड़े अधिकारी मन मा हड़कंप मच गे हे। चर्चा हे कि जउन अधिकारी मन ल सुप्रीम कोर्ट ले बेल मिले हे, ओमन ऊपर घलो फिर ले गिरफ्तारी के तलवार लटकत हे। ED ह अपन चार्जशीट मा ए अधिकारी मन ल आरोपी बनाए हे अउ कभू भी पूछताछ बर बुला सकत हे।
ED के बड़े कार्रवाई: करोड़ों के संपत्ति कुर्क ED ह कोर्ट मा चार्जशीट पेश करे ले पहली बड़े कार्रवाई करत भाटिया वाइन, छत्तीसगढ़ डिस्टलरी अउ वेलकम डिस्टलरी समेत 31 आबकारी अधिकारी मन के संपत्ति ल अटैच कर दे हे।
68 करोड़ रुपिया के संपत्ति शराब बनाए वाली कंपनी मन के कुर्क होय हे।
38 करोड़ रुपिया के संपत्ति पूर्व आबकारी कमिश्नर निरंजन दास अउ अउ दूसर अधिकारी मन के अटैच करे गे हे।
अभी तक ए मामला मा कुल 382 करोड़ रुपिया ले जादा के संपत्ति जब्त हो चुके हे।
