SIR के आखरी बेरा : आजेच आखिरी दिन… जानें चूक गय त का होही…

SIR  : स्पेशल इंटेंसिव रिवीजन (SIR) के तहत वोटर सूची म नांव जोंकाए (नाम जुड़वाने) या कोनो भी किसम के संशोधन (Correction) कराए बर गणना प्रपत्र (Enumeration Form) जमा करे के आखिरी तारीख आज 11 दिसंबर के रखे गए हे। आज के दिन खतम होत ले ‘बीएलओ (BLO) के माध्यम ले फॉर्म भरे’ के आधिकारिक चरण पूरा हो जाही। एखर से वो वोटर मन म चिंता बढ़ गे हे जऊन मन ह अभी तक फॉर्म नई भर पाए हें।

SIR  : कई झन वोटर मन के सिकायत हे कि ओ मन ला बीएलओ (बूथ लेवल ऑफिसर) ले फॉर्म मिलिच नईस, कुछु मन 2003 के जुन्ना वोटर लिस्ट म अपन नांव खोजत हें, जबकि बहुत अकन मन सहर ले बाहिर होए के कारण आज के समय-सीमा ला चूक जाहीं। अइसन सबो चिंतित वोटर मन बर ए बड़े राहत के खबर हे:

 घबराए के जरूरत नईए, मिलही 30 दिन के ‘सुनहरी मऊका’

चुनाव आयोग के नियम के मुताबिक, अगर आप मन आज 11 दिसंबर तक SIR फॉर्म भरे ले चूक जाथव, तभो ले घबराए के कोनो जरूरत नईए। वोटर लिस्ट म नांव जोंकाए या सुधार कराए बर आप मन करा एक अऊ मजबूत विकल्प बाच गे हे।

आप मन करा ड्राफ्ट वोटर लिस्ट जारी होए के बाद आगू के 30 दिन मतलब 16 दिसंबर ले 15 जनवरी 2026 तक अपन दावा या आपत्ति (Claim or Objection) दर्ज कराए के पूरा मऊका रही। सबले खास बात ये हे कि ए देरी बर आप मन ला कोनो भी किसम के जुर्माना नई देवे ला परही।

आजेच करे के हे त का करब? (ऑनलाइन विकल्प)

जऊन वोटर मन आज 11 दिसंबर के रात 12 बजे तक ए काम ला निपटाना चाहत हें, ओ मन बर सबले तेज विकल्प ऑनलाइन माध्यम हे। अगर बीएलओ ले फॉर्म नई मिल पाए हे, तभो ले आप मन चुनाव आयोग के आधिकारिक वोटर सेवा पोर्टल voters.eci.gov.in म जाके अपन फॉर्म ऑनलाइन भर सकथव। ए पोर्टल म बीएलओ के संपर्क नंबर अउ सबो जरूरी जानकारी घलो उपलब्ध हे।

SIR काम के पूरा शेड्यूल (11 दिसंबर के बाद)

वोटर मन ला पूरा प्रक्रिया के साफ जानकारी देहे बर एखर बाद के कार्यक्रम के बेवरा एइला देहे गए हे: