CG Nakali Note Case : बड़े जन खुलासा, लाखों के नकली के संग छत्तीसगढ़ अउ तेलंगाना पुलिस हा गिरोह ला धर दबोचीस
CG Nakali Note Case : सक्ती/जांजगीर-चांपा। छत्तीसगढ़ पुलिस अउ तेलंगाना पुलिस के संयुक्त कार्रवाई म अंतरराज्यीय नकली नोट गिरोह के बड़ा पर्दाफाश होइस। सक्ती जिला पुलिस 1 लाख 70 हजार रुपिया के नकली नोट संग तीन आरोपी ला धराइस। आरोपी मन फेसबुक के जरिए अलग-अलग राज्य म नकली नोट फइलाय बर मददगार खोजत रिहिन।
CG Nakali Note Case : कइसने खुलिस मामला?
तेलंगाना के कामारेड्डी जिला म नकली नोट खर्च करत पकड़ाए गे आरोपी सिद्धा गौड़ ये पूरा गिरोह के मुख्य सदस्य रिहिस। पूछताछ म पता चलिस कि कोलकाता के सौरव डे, नारायण भगत अउ बिहार के रसीद अहमद कंप्यूटर, कलर प्रिंटर अउ खास बांड पेपर के जरिए नकली नोट बनावत रिहिन।
READ MORE : Raipur ODI Match Ticket : रायपुर मा टिकट बर भारी मारामारी, तुरते सबो सिरा गे…अब स्टूडेंट कोटा भर बाचिस…..
छत्तीसगढ़ म नकली नोट फैलाय के साजिश
सक्ती जिला के नंदलाल जांगड़े (जवाली) अउ छतराम आदित्य (देवगांव) ला भी ये गिरोह नकली नोट भेजत रिहिस। SP सक्ती के आदेश ऊपर डभरा थाना अउ छपोरा चौकी के टीम ह दूनो ला हिरासत म धरके पूछताछ करिस। आरोपी मन कबूल करिन कि बिहार के रसीद अहमद ले 40 हजार रूपिया देके दू लाख रूपिया के नकली नोट खरीदे रिहिन अउ मनहरण उर्फ सोहन लहरे (भडोरा) ला खपाय बर दे दिए रिहिन।
देशभर म फैलत रिहिस नेटवर्क
गिरोह के मुख्य सदस्य पहिलीच तेलंगाना पुलिस के हाथ लग चुके हवंय अउ न्यायिक रिमांड म भेजे गे हवंय। सक्ती पुलिस कहिस कि आरोपी मन ला आगू कार्रवाई बर तेलंगाना पुलिस के हवाले कर दिये गे हवंय। पूरा नेटवर्क के जांच जारी हे अउ जल्दी अउ गिरफ्तारियां हो सकत हे।
