IFS अधिकारी ओपी यादव बनिन PCCF, छत्तीसगढ़ सरकार ह जारी करिस पदोन्नति के आदेश
रायपुर: छत्तीसगढ़ सरकार ह भारतीय वन सेवा (IFS) के वरिष्ठ अधिकारी ओपी यादव (1995 बैच) ला बड़े जिम्मेदारी देवत प्रधान मुख्य वन संरक्षक (PCCF) के पद मा पदोन्नत (बढ़ती) कर दे हे। वन अऊ जलवायु परिवर्तन विभाग द्वारा जारी आदेश के मुताबिक, ओमन ला प्रधान मुख्य मुख्य वन संरक्षक (वन्यजीव प्रबंधन अऊ जैव विविधता संरक्षण) सह मुख्य वन्यजीव वार्डन, छत्तीसगढ़ के पद मा नियुक्त करे गे हे।
राज्य शासन ह ए पदोन्नति ला पदभार ग्रहण करे के तारीख ले लागू करत ओमन ला HAG+ (लेवल-16) के वेतनमान मा पदोन्नत करे हे। ए पद वन विभाग के सबसे वरिष्ठ पद मन मा शामिल हे अऊ राज्य मा वन्यजीव संरक्षण अऊ जैव विविधता प्रबंधन के जिम्मेदारी एही पद ले निभाए जाथे। ए पद मा ओमन ला ₹2,05,400 ले ₹2,24,400 तक के वेतनमान के लाभ मिलही।
ओपी यादव ला अरण्य भवन, नवा रायपुर अटल नगर मा पदस्थ करे गे हे। ए पद मा रहत ओमन के ऊपर राज्य मा वन्यजीव संरक्षण, जैव विविधता प्रबंधन, अऊ वन्यजीव संरक्षण नीति मन ला सही ढंग ले लागू करे के जिम्मेदारी रहही। विभाग के अधिकारी मन के कहना हे कि ओकर लंबे प्रशासनिक अनुभव ले राज्य मा मानव-वन्यजीव संघर्ष ला रोके मा अऊ जंगल-जनावर के सुरक्षा ला अउ मजबूती मिलही।
