छत्तीसगढ़ मा आज ले ‘महतारी वंदन वृक्षारोपण अभियान’ के सुरुआत, 2.45 लाख बहिनी मन लगाही पौधा
Mahtari Vandan Vriksharopan Abhiyan : रायपुर। छत्तीसगढ़ में आज मुख्यमंत्री विष्णुदेव साय के अगवई मा पहली बेर ‘महतारी वंदन वृक्षारोपण अभियान’ के सुरुआत होवत हे। प्रधानमंत्री नरेंद्र मोदी के ‘एक पेड़ मां के नाम’ अभियान ले प्रेरित ए बड़े कार्यक्रम के राज्य-स्तरीय आयोजन बालोद जिला मा करे जावत हे।
२.४५ लाख महतारी मन रोही पौधे
ए अनोखा अभियान मा महतारी वंदन योजना के करीबन २.४५ लाख हितग्राही दाई-बहिनी मन बढ़-चढ़ के हिस्सा लेही। अभियान के तहत बहिनी मन अपन घर-अंगना, आंगनबाड़ी केंद्र अउ दूसर सही जगहा मा पौधा लगाही अउ पर्यावरण ला बचाय बर अपन योगदान देही।
पौधा लगावव, फोटो अपलोड करव अउ पावव डिजिटल प्रमाण-पत्र
पर्यावरण ला बढ़ावा देवइया ए कार्यक्रम मा पौधा लगाय के बाद अपन फोटो (सेल्फी) ला पोर्टल मा अपलोड करे मा डिजिटल प्रमाण-पत्र दिए जाही। ए अभियान ले एक कोती जहां रुख-राही बढ़े मा मदद मिलही, उहें महतारी मन ला घलो सम्मान प्राप्त होही।
The post छत्तीसगढ़ मा आज ले ‘महतारी वंदन वृक्षारोपण अभियान’ के सुरुआत, 2.45 लाख बहिनी मन लगाही पौधा appeared first on OneChhattisgarh.Com.
Source: One Chhattisgarh
