आबकारी विभाग म 30 अधिकारी-कर्मचारी मनके तबादला, सरकार ह जारी करिस आदेश
chhattisgarh excise department transfer list : रायपुर। छत्तीसगढ़ सरकार ह आबकारी विभाग म प्रशासनिक स्तर म बड़े फेरबदल करे हे। वाणिज्यिक कर (आबकारी) विभाग म काम करत 30 अधिकारी अउ कर्मचारी मनके तबादला (ट्रांसफर) कर देगे हे। विभाग डहर ले जारी आदेश के मुताबिक, सबो अधिकारी मनला प्रशासनिक आधार म तुरंते नवा जगह म पोस्टिंग देहे गे हे। तबादला आदेश म अधिकारी मनला नवा जाबदारी सम्हाले के निरदेस देगे हे। ए सबो पदस्थापना ह आघू के आदेश तक अस्थाई रूप ले लागू रहिही। विभागीय कामकाज ला अउ बने ढंग ले चलाए बर ए बदलाव करे गे हे।
आघू के आदेश तक नवा जगहा म सम्हालहीं जाबदारी
तबादला आदेश म कहे गे हे कि विभाग म काम करत अधिकारी अउ कर्मचारी मनला ओमन के अभी के पोस्टिंग वाले जगहा ले हटाके नवा जगहा म अस्थाई रूप ले आघू के आदेश तक पदस्थ करे गे हे। अधिकारी मनला तुरंते नवा जाबदारी सम्हाले बर कहि देगे हे।
विभागीय कामकाज म बदलाव
आबकारी विभाग म हुए ए फेरबदल ला प्रशासनिक बेवस्था ला अउ बने बनाए के तरीका के रूप म देखे जात हे। हालांकि, आदेश म तबादला के पीछे कोनो खास कारन नइ बताए गे हे। सबो अधिकारी मनके नाम अउ नवा पोस्टिंग के जानकारी आदेश म देहे गे हे। विभाग डहर ले जारी आदेश के बाद सबो अधिकारी मनला नवा जगहा म जाके अपन कारजभार सम्हाले के निरदेस देगे हे।
