सिर्फ ₹89 में मिलही YouTube Premium Lite: अब बिना ‘एड’ के देखव वीडियो, यूट्यूब ह दिस ये बड़े सुविधा
YouTube Premium Lite India : मुम्बई: अगर आप मन घलोक यूट्यूब में बार-बार आवे वाला विज्ञापन (Ads) ले परेशान हव, तो आप मन बर एक बढ़िया खबर हे। यूट्यूब ह अपन ‘प्रीमियम लाइट’ (Premium Lite) प्लान ल नवा अवतार में पेश करे हे। ये प्लान ह ओ मनखे मन बर खास हे जे मन कम पइसा में बिना कोनो रुकावट के वीडियो देखना चाहथें। अब ये सस्ते प्लान में घलोक कंपनी ह बड़े-बड़े फीचर्स देय के सुरु कर दे हे।
₹89 में मिलही ये बड़े फायदा:
यूट्यूब प्रीमियम लाइट के सब्स्क्रिप्शन सिरिफ 89 रुपिया ले सुरु होवत हे। एमा आप मन ल ये सुविधा मन मिलही:
बिना विज्ञापन के वीडियो: गेमिंग, न्यूज, अउ पढ़ाई-लिखाई वाले वीडियो में अब कोनो ‘एड’ नई दिखही।
बैकग्राउंड प्ले (Background Play): अब आप मन मोबाइल ल लॉक करके या दूसरा ऐप चलात हुए घलोक वीडियो के आवाज ल सुन सकहू। ये पॉडकास्ट अउ गाना सुने बर बहुत काम के हे।
ऑफलाइन डाउनलोड (Offline Download): अब आप मन अपन पसंद के वीडियो ल डाउनलोड करके रख सकत हव अउ बिना इंटरनेट के (जैसे सफर के बखत) देख सकत हव।
बाकी प्लान मन के हाल:
अगर आप मन ल यूट्यूब म्यूजिक के घलोक मजा लेना हे, तो ओकर बर अलग प्लान हे:
स्टूडेंट प्लान: ₹89 महीना।
इंडिविजुअल (अकेल्ला) प्लान: ₹149 महीना।
फैमिली प्लान: ₹299 महीना (एमा परिवार के 5 झन जुड़ सकथें)।
सालाना प्लान: ₹1,490 रुपिया।
कइसे ले सकथव सब्स्क्रिप्शन?
एकर बर आप ल अपन यूट्यूब ऐप खोल के ‘प्रोफाइल’ में जाना होही। ओकर बाद ‘Get YouTube Premium’ में जाके अपन पसंद के प्लान चुन के पइसा पटाना होही। 89 रुपिया वाला ये लाइट प्लान ह ओ मनखे मन बर सबले बढ़िया हे जे मन ल सिरिफ एड्स ले छुटकारा चाही।
