आबकारी कांस्टेबल के 722 पद म भर्ती, 12वीं पास बर नौकरी के बड़े मौका
Govt Jobs 2026 : लखनऊ। उत्तर प्रदेश अधीनस्थ सेवा चयन आयोग (UPSSSC) ह आबकारी विभाग में आबकारी कांस्टेबल के 722 पद मन बर बंपर भर्ती निकाले हे। सरकारी नौकरी के तैयारी करत युवा मन बर ये एक बड़े मौका हे। ये पद मन बर आवेदन के प्रक्रिया 4 जून 2026 ले शुरू होही।
कौन भर सकथे फॉर्म?
ये भर्ती बर ओइसने उम्मीदवार आवेदन कर सकथें जेमन 12वीं पास कर ले हें। संगे-संग नोटिफिकेशन में बताय गे हे कि सिर्फ ओही मनखे फॉर्म भर सकथें जेमन PET 2025 के परीक्षा दे हें अउ ओखर मन करा वैध स्कोरकार्ड हे। उम्र के बात करन त 18 ले 40 साल तक के युवा एमा आवेदन कर सकथें। आरक्षित वर्ग ला नियम के मुताबिक छूट घलो मिलही।
भर्ती ले जुड़ी जरूरी तारीख मन:
नोटिफिकेशन जारी: 6 अप्रैल 2026
आवेदन शुरू: 4 जून 2026
आखिरी तारीख: 24 जून 2026
फीस अउ सुधार के अंतिम तिथि: 1 जुलाई 2026
कइसे होही चयन?
उम्मीदवार मन के चयन बर 100 नंबर के मुख्य लिखित परीक्षा होही, ओखर बाद फिजिकल टेस्ट (दौड़ अउ ऊँचाई के माप) लिय जाय जाही। आखिर में कागजात के जांच (डॉक्यूमेंट वेरिफिकेशन) होही। आवेदन बर उम्मीदवार ला UPSSSC के वेबसाइट upsssc.gov.in में जाके 25 रुपया फीस जमा करना होही।
