विधानसभा घेराव ले आज रस्ता मा रद्दा जाम, शंकर नगर कोति जाय ले बचव….
रायपुर। कांग्रेस के आज विधानसभा घेराव ला देखत हुए राजधानी के ट्रैफिक व्यवस्था मा बड़का बदलाव करे गेहे। भारत माता मूर्ति (केनाल रोड, शंकर नगर) के तीर मा आयोजित आमसभा अउ ओखर बाद घेराव कार्यक्रम के सेती शंकर नगर रोड करीब 9 घंटा बर बंद राही।
ए दौरान शांति नगर तिराहा ले भारत माता चौक अउ उहां ले रानी दुर्गावती के मूर्ति होत हुए आनंद नगर चौक तक आवाजाही पूरी तरह ले थप राही। पुलिस प्रशासन ह सुरक्षा ला देखत हुए कतकोन जगह मा बैरिकेडिंग करे हे अउ करीब 200 ले जादा जवान मन तैनात करे गे हें। नवा रायपुर रोड समेत आस-पास के इलाका मा कड़ा पहरा रखे जावत हे। कार्यक्रम के सेती आनंद नगर चौक तक के रस्ता प्रभावित राही।
गाड़ी-घोड़ा के सुग्घर आवाजाही बर पुलिस ह दूसर रस्ता (वैकल्पिक मार्ग) घलो जारी करे हे। पंडरी कोति ले आवत-जावत गाड़ी मन शांति नगर ले मधु पिल्ले चौक होत हुए आईजी ऑफिस वाली गली ले शंकर नगर कोति जा सकहीं। उहें आनंद नगर चौक ले पंडरी कोति जाय बर गाड़ी मन भगत सिंह चौक, अंबेडकर चौक अउ ऑक्सीजोन रस्ता के उपयोग कर सकहीं। पुलिस ह आम मनखे अउ रोज आवत-जावत करइया यात्री मन ले अपील करे हे कि ओमन बिहनिया 9 बजे ले संझा 6 बजे तक परेशानी ले बचे बर बताय गे रस्ता के ही प्रयोग करंय।
