तातापानी महोत्सव मा मुख्यमंत्री साय जाही : महादेव के दर्शन करही अउ लइका मन संग उड़ाही पतंग,
Makarsankranti 2026 : रायपुर : छत्तीसगढ़ के मुख्यमंत्री विष्णुदेव साय आज बुधवार के बलरामपुर-रामानुजगंज जिला के दौरा मा रहिही। मुख्यमंत्री ह जिला के परसिद्ध ‘तातापानी महोत्सव’ मा सामिल होही अउ जनता ला कई ठन सौगात देही।
कलश यात्रा अउ महादेव के दर्शन अपन दौरा के बखत मुख्यमंत्री साय सबले पहिली कलश यात्रा मा सामिल होही। ओखर बाद ओ मन महादेव मंदिर मा जाके बिधिवत पूजा-अर्चना करही अउ परदेस के खुसहाली बर असीरबाद मांगही। सीएम ह मंदिर परिसर मा बने भगवान शिव के विशाल प्रतिमा के अवलोकन घलो करही।
मकर संक्रांति के रंग: लइका मन संग पतंगबाजी मकर संक्रांति के पावन तिहार के मउका मा मुख्यमंत्री साय के एक अलग अंदाज घलो देखे बर मिलही। महोत्सव मा ओ मन लइका मन के संग मिलके पतंग उड़ाही अउ तिहार के खुसी मनाही।
सामूहिक कन्या विवाह मा देही असीरबाद ए कार्यक्रम के संग मुख्यमंत्री ह ‘मुख्यमंत्री कन्या विवाह’ समारोह मा घलो सामिल होही। इहां ओ मन नव-विवाहित जोड़ा मन ला सुघर अउ सुखी जीवन बर अपन असीरबाद देही। जिला प्रशासन ह मुख्यमंत्री के आगमन ला लेके पूरा तैयारी कर ले हे।
Related Posts
