T20 World Cup 2026: पाकिस्तान के अड़ंगा, भारत संग मैच बर ICC के आगू राखिस 3 ठन शर्त

पाकिस्तान के 3 बड़े शर्त:

कमाई म जादा हिस्सा: पाकिस्तान चाहत हे कि ICC ओला रेवेन्यू (कमाई) म जादा हिस्सा देवे।

भारत संग सीरीज के बहाना: पाकिस्तान के मांग हे कि भारत ह ओकर संग द्विपक्षीय सीरीज (Bilateral Series) फेर ले सुरू करे, जेहर साल 2012 ले बंद हे।

हाथ मिलाय के जिद्द: सबसे अजीब शर्त ए हे कि वर्ल्ड कप म मैच के दौरान भारतीय खिलाड़ी मन ला पाकिस्तानी खिलाड़ी मन संग हाथ मिलाना पड़ही।

का भारत ह मानही ए बात? जानकार मन के कहना हे कि पहिली शर्त (पइसा वाला) म त गोठ बन सकथे, फेर बाकी दू शर्त सीधे भारत सरकार ले जुड़े हे। पहलगाम म होय आतंकी हमला के बाद ले भारतीय खिलाड़ी मन ह मैदान म पाकिस्तान संग हाथ मिलाना बंद कर दे हें। अइसन म भारत ह पाकिस्तान के ए ‘ब्लैकमेलिंग’ के आगू झुकही, एखर गुंजाइश बहुत कम हे।