कलेजा कांप जाही सुन के : खाना बनात समय रोत रिहिस लईका गुस्सा म महतारी ह 4 महीना के कलेजा के टुकड़ा ला पटक-पटक के मार डारिस
Surajpur Crime : सूरजपुर। छत्तीसगढ़ के सूरजपुर जिला ले एक अइसन दिल दहला देवय वाली घटना आगू आए हे, जेला सुन के सबो झन सुन्न रह गे हें। इहाँ एक महतारी ह अपन ही 4 महीना के दुधमुंहे लइका ला जमीन म पटक के ओखर जान ले लिस। ये पूरा मामला प्रेमनगर थाना क्षेत्र के जयपुर गांव के आय।
काबर अउ कइसे होइस ये घटना?
जानकारी के मुताबिक, महिला ह घर म खाना बनात रहिस। ओही समय ओखर छोटे लइका ह अचानक रोय बर धर लिस। लइका ह बहुते देरी तक रोत रहिस, जेखर ले गुस्साय महतारी ह अपन आपा खो दिस अउ मासूम ला उठा के जोर ले जमीन म पटक दिस। माथा म गंभीर चोट लगे के सेती लइका के मौका म ही मौत हो गे।
मानसिक रूप ले अस्वस्थ हे आरोपी महतारी
घटना के बाद पूरा इलाका म सनसनी फैल गे हे। गांव वाले मन ह तुरंत पुलिस ला सूचना दीन। जांच म ये बात आगू आए हे कि आरोपी महतारी के मानसिक स्थिति ठीक नई हे अउ ओहा अस्वस्थ हे। पुलिस ह मामला दर्ज कर के जांच शुरू कर दे हे।
पुलिस के कहना हे कि महिला ले पूछताछ करे जात हे अउ लइका के पोस्टमार्टम रिपोर्ट आए के बाद ही मौत के असली कारण मन के खुलासा हो पाही। ए घटना ले पूरा गांव म सोक के माहौल हे।
