रायपुर में सुप्रिया श्रीनेत अउ नेहा सिंह राठौर ऊपर FIR दर्ज, जुन्ना वीडियो शेयर करे के आरोप, जानव पूरा मामला
Supriya Shrinate FIR Chhattisgarh : रायपुर। छत्तीसगढ़ की राजधानी रायपुर में कांग्रेस प्रवक्ता सुप्रिया श्रीनेत अउ लोक गायिका नेहा सिंह राठौर के खिलाफ सिविल लाइंस थाना में एफआईआर दर्ज करे गे हे। दुनों ऊपर भाजपा के एकठन जुन्ना वीडियो ला स्वतंत्रता दिवस के बताके सोशल मीडिया में गलत अउ भ्रामक खबर फैलाए के गंभीर आरोप लगे हे।
भाजपा प्रतिनिधिमंडल ह पुलिस ला शिकायत पत्र सौंपके कठोर कानूनी कार्रवाई के मांग करे रिहिस। शिकायत में बताए गे हे कि धमतरी जिला के कुरुद में 22 मार्च ला ‘पंडित दीनदयाल उपाध्याय प्रशिक्षण महाअभियान’ आयोजित करे गे रिहिस, जिहां पार्टी के झंडा फहराए गे रिहिस। ओही कार्यक्रम के फोटो अउ वीडियो ला 15 अगस्त के बताके सोशल मीडिया में शेयर करे गिस।
आरोप हे कि एक्स (ट्विटर) हैंडल @GenZ_of_India, सुप्रिया श्रीनेत अउ नेहा सिंह राठौर ह झूठा दावा करिन कि भाजपा नेता मन राष्ट्रीय ध्वज (तिरंगा) के जगा अपन पार्टी के झंडा फहराइन हे। भाजपा ह एला स्वतंत्रता दिवस के अवसर पर जनता के बीच भ्रम, तनाव अउ अशांति फैलाए के दुर्भावनापूर्ण प्रयास बताए हे। शिकायत करे वाले प्रतिनिधिमंडल में भाजपा प्रदेश प्रवक्ता उज्ज्वल दीपक, डॉ. किरण बघेल, राजीव चक्रवर्ती अउ राहुल राय समेत कई नेता शामिल रिहिन। मामला के गंभीरता ला देखत सिविल लाइंस पुलिस ह केस दर्ज करके जांच शुरू कर दे हे।
