सोमवार के नियम भूल के भी झन करव ये काम, नहीं त नाराज हो जाहि भगवान भोलेनाथ
Somwar Ke Niyam : हिंदू धरम के परंपरा में सोमवार के दिन ह महादेव के भक्ति बर सबले बड़े दिन माने जाथे। कहिथें कि भोला बाबा जतका जल्दी खुश होथें, ओतके जल्दी नियम के अनदेखी करे मा रिसिया घलो जाथें। आज 6 अप्रैल 2026, सोमवार के दिन यदि आप मन घलो मंदिर जावत हो या उपवास रखे हो, त कुछ खास बात मन के धियान रखना बहुत जरूरी हे।
शास्तर अउ ज्योतिष मन के मुताबिक, सोमवार के दिन कुछ अइसन काम हे जेला करे ले सुख-समृद्धि में बाधा आ सकथे। आऊ जानबो का हे ओ नियम:
ये दिसा में यात्रा करे ले बचव सोमवार के दिन उत्तर, पूर्व अउ आग्नेय (कोना) दिसा में जाना-आना सुभ नइ माने जाय। यदि बहुत जरूरी नइ हे, त ये दिसा मन में जाय ले बचव, काबर कि ज्योतिष में एला असुभ माने गे हे।
सफेद चीज के दान झन करव सोमवार के नाता सफेद रंग ले हे, फेर ये दिन कोनो बाहरी मनखे ला सफेद कपड़ा या दूध के दान नइ करना चइही। अइसन करे ले चंद्रमा कमजोर हो जाथे, जेकर सीधा असर मन के सांति ऊपर पड़थे।
खान-पान में राखव संयम भक्त मन ये दिन सात्विक रहे के कोसिस करथें। सोमवार के दिन भँटा (बैंगन), सरसों भाजी, कटहर अउ करिया तिल खाय के मनाही हे। संग में तामसिक भोजन अउ जादा मसाला वाले साग-भाजी ले दूर रहना चइही।
पहिनावा के राखव धियान रंग मन के हमर जिनगी में बड़े परभाव रहिथे। सिव जी के पूजा के दिन करिया, नीला, कत्थई या जामुनी रंग के कपड़ा झन पहिरव। एकर जगह सफेद, हरियर या हल्का पीला रंग पहिरना सुभ होथे।
पूजा में झन करव ये गलती महादेव के पूजा के बखत ओला कभू घलो करिया रंग के फूल झन चढ़ाव। संग में, भोग लगावत समय धियान राखव कि भोला बाबा ला पीला मिठाई नइ चढ़ाना चइही।
व्यवहार अउ मर्यादा सोमवार के दिन दाई-दादा ले वाद-विवाद करना या कुल देवता के अपमान करना भारी पड़ सकथे। कोनो भी मनखे ला कड़वा बात झन बोलव अउ अपन सुभाव ला नरम राखव, तब ले महादेव के पूरा आसिरवाद मिलही।
