5-स्टार सेफ्टी के साथ ₹7.59 लाख के SUV के जलवा, दमदार फीचर्स ह बनाइस नंबर-1
Skoda Kylaq Sales March 2026 : भारतीय बाजार म स्कोडा के गाड़ी मन के क्रेज बाढ़त जावत हे। बीते महीना यानी मार्च 2026 म कंपनी के गाड़़ी मन के बिक्री के आंकड़ा ह ये बात ल साबित कर दे हे। मार्च म स्कोडा कायलाक (Skoda Kylaq) ह सबसे जादा बिके वाला गाड़ी बन गे हे। कायलाक ल मार्च म कुल 4,670 नवा ग्राहक मिलिन। हालांकि, पिछले साल के मुकाबला एखर बिक्री म 12% के गिरावट घलो देखे बर मिलीस हे।
कुशाक अउ कोडियाक के घलो धूम
दूसरे नंबर म स्कोडा कुशाक रहीस, जेखर 2,307 यूनिट बिकीस। कुशाक के बिक्री म सालाना 157% के बड़ उछाल देखे बर मिलीस हे। तीसरे नंबर म स्कोडा स्लाविया रहीस, जेखर 887 यूनिट बिकीस। वहीं, चौथे नंबर म स्कोडा कोडियाक रहीस, जेखर सिरिफ 64 यूनिट बिकीस, फेर एखर बिक्री म 393% के जबरदस्त बढ़ोत्तरी दर्ज करे गे हे।
कायलाक के डिजाइन अउ फीचर्स
स्कोडा कायलाक के डिजाइन ल एकदम प्रीमियम अउ आकर्षक बनाए गे हे। एखर खास बात मन ये हें:
लुक: एलईडी हेडलाइट्स, डीआरएल (DRLs), एलईडी टर्न इंडिकेटर्स अउ 16-इंच के स्टील व्हील्स।
इंटीरियर: ड्राइवर बर हाइट एडजस्टेबल सीट, एडजस्टेबल स्टीयरिंग, फ्रंट अउ रियर हेडरेस्ट के साथ मैनुअल एसी।
सेफ्टी: ए गाड़ी ल 5-स्टार सेफ्टी रेटिंग मिले हे, जेखर सेती ये सुरक्षा के मामला म सबसे आगू हे।
कीमत: एखर शुरुआती एक्स-शोरूम कीमत 7.59 लाख रुपया रखे गे हे।
इंजन अउ ताकत
कायलाक म 1.0 लीटर के 3-सिलेंडर टर्बो पेट्रोल इंजन दे गे हे। ये इंजन 114 bhp के पावर अउ 178Nm के टॉर्क पैदा करथे। एमा 6-स्पीड मैनुअल अउ ऑटोमैटिक गियरबॉक्स के विकल्प घलो मिलथे।
ककर ले हे मुकाबला?
बाजार म स्कोडा कायलाक के सीधा टक्कर टाटा नेक्सन, मारुति ब्रेजा, किआ सोनेट अउ महिंद्रा XUV 3XO जैसी दिग्गज गाड़ी मन ले हे। कम कीमत म 5-स्टार सेफ्टी होय के सेती लोगन मन एला जादा पसंद करत हें।
