शेयर बाजार के गिरती में कइसे लगावव पइसा? एकमुश्त सही रही या SIP, जानव कहाँ बाढ़ी आपके कमाई

Share Market Tips : रायपुर। शेयर बाजार में आजकल भारी उथल-पुथल मचे हे। लाल निशान ला देख के कतको झन निवेशक मन डरा गे हें, फेर जानकार मन के कहना हे कि ये डरे के नइ, बल्कि कमाई करे के बढ़िया मौका आय। गिरत बाजार में सस्ता भाव में बढ़िया कंपनी अउ म्यूचुअल फंड में पइसा लगाए के होड़ मचे हे। फेर आम निवेशक मन के मन में ये सवाल हे कि पइसा ला एक साथ लगाय जाय या हर महीना थोड़ा-थोड़ा (SIP) करके?

गिरत बाजार ह डर आय या मौका? जब घलो मार्केट नीचे गिरथे, त लोगन मन ला लागथे कि पइसा निकाल लेना चाहिये। फेर असली खिलाड़ी मन एला निवेश के बढ़िया मौका मानथें। शेयर बाजार के सबसे बड़े सच ये हे कि कोनो नइ बता सकय कि गिरावट कब रुकही। अइसन में निवेश के तरीका चुनना बहुत जरूरी हे।

का एक साथ पइसा लगाना समझदारी हे? सोचव, अगर आप मन आज मार्केट गिरिस कह के अपन जम्मों पइसा एक साथ लगा देय हव, अउ काल्हू मार्केट अउ गिर गे? अइसन में आपके पइसा के वैल्यू कम हो जाही अउ ओला वापस ओतके होय बर लंबा समय लग सकत हे। एखरे सेती, गिरत बाजार में एकमुश्त पइसा लगाना थोकिन रिस्क वाला काम हो सकत हे।

SIP कइसे बनथे सुरक्षा कवच? अस्थिर बाजार में SIP (सिप) ह सबले बढ़िया तरीका आय। एकर ले आपके रिस्क कम हो जाथे। एकर सीधा कारण हे— ‘खरीद लागत के औसत’ (Cost Averaging)। एला अइसन समझव— मान लेव आप मन 5 मार्च के पइसा लगाय हव अउ निफ्टी 24,600 में रिहिस। अगर अगल महीना मार्केट गिर के 24,000 में आ गे, त ओतके पइसा में आप ला म्यूचुअल फंड के जादा यूनिट मिलही। अउ अगर मार्केट बाढ़ गे, त यूनिट कम मिलही। लंबा समय में ये उतार-चढ़ाव ह आपके रेट ला औसत (Average) कर देते, जेकर ले घाटा के डर कम हो जाथे।

सियान निवेशक मन के ‘बीच के रास्ता’ बड़े खिलाड़ी मन एक खास रणनीति अपनाथें। अगर ओ मन करा जादा पइसा हे, त ओ मन जम्मों ला एक साथ नइ लगाय। ओ मन थोकिन हिस्सा ला एकमुश्त (Lumpsum) लगाथें अउ बाकी पइसा ला हर महीना SIP के जरिये बाजार में डालथें। एकर ले ओ मन ला गिरावट के फायदा घलो मिलथे अउ आगे के खतरा घलो बंट जाथे। जानकार मन के कहना हे कि अगर आप मन लंबा समय बर निवेश करत हव, त ये गिरावट ह आपके भविष्य बर बढ़िया साबित हो सकत हे।