Sarkari Naukari : नौकरी के सुनहरा मौका : BSF म निकलीस 549 पद म बंपर भर्ती; 69,100 रुपिया तक मिली तनख्वाह, जानव कैसे करना हे आवेदन

Sarkari Naukari : नवा दिल्ली। सीमा सुरक्षा बल (BSF) ह देश के प्रतिभावान खिलाड़ी मन ल सरकारी नौकरी दे बर कांस्टेबल (जनरल ड्यूटी) स्पोर्ट्स कोटा भर्ती 2025 के एलान कर दे हावय। ए भर्ती के तहत कुल 549 पद भरे जाहीं। जउन युवा मन खेल-कूद म माहिर हें अउ देश के सेवा करना चाहथें, ओ मन बर ए ह एक बड़ अवसर आय।

Sarkari Naukari : भर्ती अउ आवेदन के तारीख
BSF के ए भर्ती बर ऑनलाइन आवेदन 27 दिसंबर 2025 ले शुरू होही। आवेदन करे के आखिरी तारीख 15 जनवरी 2026 तय करे गे हावय। ए भर्ती म खास बात ए हे कि सिरिफ़ 10वीं पास कैंडिडेट घलो आवेदन कर सकथें।

read more : CG PWD Officers Suspended : PWD के ईई अउ दू एसडीओ ल सरकार ह करिस सस्पेंड; डिप्टी सीएम अरुण साव के बड़का फैसला

कउन-कउन खेल के खिलाड़ी भर सकथें फॉर्म?
ए भर्ती म कुल 549 पद हावय, जेमा ले 277 पद पुरुष मन बर अउ 272 पद महिला खिलाड़ी मन बर आरक्षित हे। एमा एथलेटिक्स, बॉक्सिंग, कुश्ती, हॉकी, फुटबॉल, कबड्डी, वॉलीबॉल, शूटिंग, तैराकी अउ योग जइसन 30 ले जादा खेल मन ल शामिल करे गे हावय।

उम्र अउ योग्यता
उम्र: 18 ले 23 साल (उम्र के गिनती 18 अगस्त 2025 के आधार म होही)।

छूट: नियम के मुताबिक SC/ST ल 5 साल अउ OBC ल 3 साल के छूट मिली।

योग्यता: 10वीं पास अउ संबंधित खेल म उपलब्धि के सर्टिफिकेट होना जरूरी हे।

कतका मिली पइसा (सैलरी)?
भर्ती होय के बाद खिलाड़ी मन ल पे लेवल-3 के तहत 21,700 ले 69,100 रुपिया तक महिना के सैलरी मिली। एकर संग ही महंगाई भत्ता, मकान किराया भत्ता अउ केंद्र सरकार के सबो सुविधा मन के लाभ घलो मिली।

कइसन होही चयन (Selection Process)?
चयन प्रक्रिया म कोनो लिखित परीक्षा के जिक्र नहीं हे, एमा मुख्य रूप ले ए चरण होहीं:

ऑनलाइन आवेदन अउ खेल सर्टिफिकेट के जांच।

दस्तावेज सत्यापन (Document Verification)।

शारीरिक माप-तौल (PST) – ऊँचाई, वजन अउ सीना के नाप।

खेल उपलब्धि के आधार म मेरिट लिस्ट अउ मेडिकल टेस्ट।

आवेदन फीस अउ कइसन करना हे आवेदन?
सामान्य अउ OBC वर्ग के पुरुष मन बर 159 रुपिया फीस हे, जबकि महिला, SC अउ ST वर्ग बर कोनो फीस नहीं लागे। आवेदन करे बर BSF के आधिकारिक वेबसाइट म जाके ‘Sports Quota Recruitment 2025’ लिंक म क्लिक करना होही अउ अपन सबो जानकारी भर के डॉक्यूमेंट अपलोड करना रही।