स्पोर्ट्स अथॉरिटी ऑफ इंडिया म असिस्टेंट कोच के 323 पद बर बंपर भर्ती, जानव कइसन करना हे आवेदन

sai assistant coach recruitment 2026 : खेल के क्षेत्र म कैरियर बनाय के इच्छा रखइया जुवान मन बर सुग्घर मउका आइस हे। भारतीय खेल प्राधिकरण (SAI) ह असिस्टेंट कोच के 323 पद मन बर भर्ती के नोटिफिकेशन जारी करे हे। ए पद मन बर आवेदन के प्रक्रिया 23 मार्च ले सुरू हो गे हे, जेहा 21 अप्रैल तक चलही। इछुक मनखे मन SAI के आधिकारिक वेबसाइट म जाके ऑनलाइन आवेदन कर सकथें।

कोन-कोन पद म होही भर्ती?
असिस्टेंट कोच बर अलग-अलग खेल मन के पद तय करे गे हे, जेखर जानकारी ए प्रकार हे:

एथलेटिक्स अउ शूटिंग: 28-28 पद

तैराकी: 26 पद

कुश्ती: 22 पद

बॉक्सिंग: 19 पद

बैडमिंटन: 16 पद

टेबल टेनिस: 14 पद

हॉकी: 13 पद

फुटबॉल, साइकिलिंग, बास्केटबॉल, तीरंदाजी अउ जिम्नास्टिक्स: 12-12 पद

फेंसिंग, रोइंग अउ ताइक्वांडो: 11-11 पद

वॉलीबॉल अउ वेटलिफ्टिंग: 10-10 पद

टेनिस: 8 पद

कैनोइंग: 7 पद

कबड्डी, हैंडबॉल, जूडो अउ वुशु: 6-6 पद

सेपक टकरा: 3 पद

खो-खो: 2 पद

कोन कर सकथे आवेदन (योग्यता)?
ए पद मन बर ओही उम्मीदवार मन फॉर्म भर सकथें, जेखर मन पाख SAI NS-NIS पटियाला या कोनो मान्यता प्राप्त यूनिवर्सिटी ले कोचिंग म डिप्लोमा या ओखर बराबर के कोनो डिग्री होही।

उम्र के सीमा:
आवेदन करे बर अधिकतम उम्र 30 साल तय करे गे हे। हालांकि, आरक्षित वर्ग (SC/ST/OBC) के उम्मीदवार मन ला सरकार के नियम के मुताबिक उम्र म छूट दी जाही।

कतका लगही फीस?
सामान्य वर्ग बर आवेदन फीस 2,500 रूपया रखे गे हे। ओही जगा अनुसूचित जाति (SC), अनुसूचित जनजाति (ST), एक्स-सर्विसमैन अउ महिला उम्मीदवार मन बर ए फीस 2,000 रूपया तय करे गे हे।

कइसन करव आवेदन?

सबले पहिली SAI के ऑफिशियल वेबसाइट म जाव।

होमपेज म ‘Recruitment’ सेक्शन म जाके असिस्टेंट कोच के लिंक म क्लिक करव।

अपन रजिस्ट्रेशन करव अउ लॉगिन करके जम्मो जानकारी भरव।

जरूरी दस्तावेज (Documents) अपलोड करव अउ फीस जमा करके फॉर्म ला सबमिट कर दव।