राज्यसभा चुनाव 2026 : शरद पवार अउ सिंघवी समेत 26 नेता निर्विरोध चुनी गे, 11 सीट मन म फंसीस पेंच
Rajya Sabha Elections 2026 : देस के 10 राज्य मन के 37 राज्यसभा सीट बर होवईया चुनाव के तस्वीर अब साफ हो गे हे। नामांकन वापसी के बेरा सिराय के बाद 7 राज्य मन के 26 उम्मीदवार मन ला निर्विरोध निर्वाचित घोषित कर दे गे हे। एमा एनसीपी (शरद) प्रमुख शरद पवार, कांग्रेस के अभिषेक मनु सिंघवी, केंद्रीय मंत्री रामदास आठवले, फूलो देवी नेताम अउ लक्ष्मी वर्मा जइसन बड़े नाम सामिल हें। अब असली लड़ाई बिहार, ओडिशा अउ हरियाणा के बाचे 11 सीट मन म टिक गे हे, जिहां 16 मार्च के वोट डारी जाही।
ए 11 सीट मन बर कुल 14 उम्मीदवार मैदान म हें, जेकर ले मुकाबला ह भारी रोचक हो गे हे। भाजपा ह ए राज्य मन बर पर्यवेक्षक मन के नियुक्ति घलो कर दे हे ताकि चुनाव म अपन पकड़ मजबूत रख सके।
निर्विरोध चुनी गे नेता मन के पूरा लिस्ट:
-
महाराष्ट्र (7): शरद पवार (एनसीपी), रामदास आठवले (आरपीआई-आठवले), विनोद तावड़े (बीजेपी), रामराव वडुकुटे (बीजेपी), माया इवनाते (बीजेपी), ज्योति वाघमारे (शिवसेना-शिंदे), पार्थ पवार (एनसीपी)।
-
तमिलनाडु (6): तिरुची शिवा (डीएमके), जे कॉन्स्टेंटाइन रविंद्रन (डीएमके), एम थंबीदुरई (एआईएडीएमके), अंबुमणि रामदास (पीएमके), एम क्रिस्टोफर तिलक (कांग्रेस), एल के सुदीश (डीएमडीके)।
-
पश्चिम बंगाल (5): राहुल सिन्हा (बीजेपी), बाबुल सुप्रियो (टीएमसी), पूर्व डीजीपी राजीव कुमार (टीएमसी), सीनियर एडवोकेट मेनका गुरुस्वामी (टीएमसी), कोएल मलिक (टीएमसी)।
-
असम (3): जोगेन मोहन (भाजपा), तेरोस गोवाला (भाजपा), प्रमोद बोरो (यूपीपीएल)।
-
तेलंगाना (2): अभिषेक मनु सिंघवी (कांग्रेस), वेम नरेंद्र रेड्डी (कांग्रेस)।
-
छत्तीसगढ़ (2): लक्ष्मी वर्मा (भाजपा), फूलो देवी नेताम (कांग्रेस)।
-
हिमाचल प्रदेश (1): अनुराग शर्मा (कांग्रेस)।
तीन राज्य मन म चुनावी घमासान:
1. बिहार (5 सीट): इहां 5 सीट बर 6 उम्मीदवार मैदान म हें। एनडीए डहर ले नीतीश कुमार, नितिन नबीन, शिवेश कुमार, रामनाथ ठाकुर अउ उपेंद्र कुशवाहा प्रत्याशी हें, त ओति आरजेडी ह अमरेंद्र धारी सिंह ला उतार के मुकाबला ला रोमांचक बना दे हे।
2. हरियाणा (2 सीट): बीजेपी के संजय भाटिया अउ कांग्रेस के कर्मवीर बौद्ध के अलावा निर्दलीय प्रत्याशी सतीश नांदल ह मैदान म उतर के खेल ला बिगाड़ दे हे। भाजपा ह नांदल ला अपन समर्थन दे हे।
3. ओडिशा (4 सीट): इहां 4 सीट बर 5 उम्मीदवार हें। बीजेपी के मनमहोन सामल, सुजीत कुमार अउ पार्टी समर्थित दिलीप रे मैदान म हें। ओति बीजेडी के संतृप्त मिश्रा अउ कांग्रेस समर्थित डॉ. दत्तेश्वर मिश्रा के बीच चौथी सीट बर कड़ा टक्कर हे।
