आके खेलहूँ… कहिके बस में चढ़िस भाई, अउ पीछे 2 साल के मासूम बहिन ऊपर चढ़ गे स्कूल बस के पहिया
Rajnandgaon School bus Accident : राजनंदगांव/मानपुर। छत्तीसगढ़ के मानपुर विकासखंड के खडग़ांव थाना क्षेत्र के ग्राम घोटिया में एक अऊ भयानक सड़क हादसा होगे, जिहां दो साल के मासूम लईकी के जान चली गे। हादसा ओ समय होईस जब मासूम युवानसी नरेटी अपन घर के मन संग अपन बड़े भाई ला स्कूल बस तक छोड़े बर आय रीहिस। भाई के बस में चढ़तेच ड्राइवर ह गाड़ी ला रिवर्स करीस, जेकर चपेट में आवे ले लईकी के घटनास्थल में च मौत होगे।
घटना के बाद ड्राइवर फरार, गुस्साए गांव के मन करिन चक्काजाम
हादसा के तुरंत बाद फ्लॉवर वैली इंग्लिश मीडियम स्कूल के बस ड्राइवर गाड़ी ला ओही जगा छोड़ के भाग गे। ए घटना ले गुस्साए गांव के मन अऊ घर के मन लाश ला सड़क में रख के घोटिया-भर्रीटोला मुख्य मार्ग में प्रदर्शन शुरू कर दीन। जेकर ले सड़क के दुनों कोती गाड़ी मन के लंबा लाइन लग गे अऊ आवत-जावत पूरा ठप्प होगे।
5 लाख के मुआवजा में बनिस बात, तब खुलिस जाम
खबर मिलतेच पुलिस अऊ प्रशासन के टीम मौका में पहुँचीस। प्रशासनिक अधिकारी मन के बीच-बचाव अऊ पीड़ित परिवार ला 5 लाख रुपिया के मुआवजा दे के सहमति बने के बाद गांव के मन चक्काजाम ला खत्म करिन। पुलिस ह आरोपी ड्राइवर के खिलाफ मामला दर्ज करके स्कूल बस ला खड़गांव थाना में जप्त कर ले हे। अधिकारी मन के कहना हे कि आरोपी ड्राइवर के तलाश करे जात हे अऊ ओखर ऊपर कड़ा कार्रवाई करे जाही।
