प्लास्टिक फैक्ट्री मा भीषण आग, पत्रकार मन ले बदसलूकी के बाद मचीस बवाल
Raipur News : रायपुर। छत्तीसगढ़ के राजधानी रायपुर के सड्डू इलाका मा बने कवल मल्टीलेयर प्लास्टिक फैक्ट्री मा आज बिहनिया भारी आग लग गे। आग एतका तेजी ले बढ़िस कि देखते-देखते पूरा गोदाम ह जल के खाक होगे। ये घटना ले चारों कोती हड़कंप मच गे हे। अभी तक ये पता नहीं चल पाय हे कि आग कइसे लागिस।
दमकल के 5 गाड़ी जुटीस, रेस्क्यू जारी आग लगे के खबर मिलत ही दमकल विभाग के टीम मन मौका मा पहुँचिन। अभी तक दमकल के 5 गाड़िमन आग बुझाय के काम मा लगे हें अउ अउ गाड़िमन ला घलो बलाय गे हे। पुलिस अउ फायर ब्रिगेड के टीम घलो मौका मा तैनात हे अउ आग ला काबू करे के कोसिस करत हे।
देखते-देखते जलगे पूरा गोदाम वहां मौजूद मनखे मन बताइन कि आग एतका भयानक रिहिस कि कुछु समय मा पूरा प्लास्टिक गोदाम ला अपन चपेट मा ले लिस। आग ह लगातार बढ़ते जावत हे जेखर से ओला बुझाय मा भारी दिक्कत आवत हे।
पत्रकार मन ले बदसलूकी एकर बीच एक अउ बात आगू आइस कि जब पत्रकार मन खबर के कवरेज करे बर फैक्ट्री पहुँचिन, त ओ मन ला भीतर जाय ले रोक दे गिस। रिपोर्टिंग के बखत पत्रकार मन ले बदसलूकी घलो करे गिस अउ वीडियो जर्नलिस्ट मन ला कैमरा चलाय ले मना कर दे गिस। ये घटना ले पत्रकार मन मा भारी गुस्सा देखे बर मिलत हे।
