रायपुर म आगी के तांडव! ऑक्टोपस बार संग 4 दुकान अउ कई ठन गाड़ी जल के राख
Raipur Octopus Bar Fire : रायपुर। राजधानी रायपुर के तेलीबांधा इलाका म स्थित ऑक्टोपस बार के पास मंगलवार के आधा रात करीब 1 बजे भीषण आगी लग गिस। आगी ह पहीले एक ठन हार्डवेयर दुकान म लागिस, लेकिन देखते-देखत विकराल रूप ले लिस और ऑक्टोपस बार संग 4 ठन दुकान अउ पास के होटल ला घलो अपन चपेट म ले लिस। आगी अतका भयानक रिहिस कि तेज पानी गिरत म घलो नई बुझात रिहिस। खबर मिलतेच दमकल के 13 गाड़ियां अउ पुलिस के टीम पहुंचे अउ भारी मशक्कत के बाद आगी ला काबू म करिन।
तेलीबांधा थाना प्रभारी अजय झा ह बताइन कि शुरुआती जांच म हार्डवेयर दुकान ले आगी लगे के बात अगू आवत हे, लेकिन आगी कसके लागिस ऐकर सही कारण अभी साफ नई हो पाए हे।
देखते-देखत जल के राख हो गिस सामान हार्डवेयर दुकान म लगे आगी मिनटों म फैले लागिस। आगी के लपट अतका तेज रिहिस कि दुकान म रखे सबो सामान अउ बाहर खड़े कई ठन गाड़ियां जल के राख हो गीन। दमकल के 13 गाड़ियां लगातार पानी मारत रिहिन, तब जाके बिहनिया 5:30 बजे आगी शांत होइस।
होटल म ठहरे लोगन मन भाग के बचाइन जान आगी के लपट मन पास के होटल तक घलो पहुंच गे रिहिस। होटल म ठहरे लोगन मन समय रहत बाहर निकल के अपन जान बचाइन। भोजनालय चलाए वाले बॉबी तोलानी ह बताइन कि रात 1 बजे खबर मिलतच ओमन दुकान पहुंचे, लेकिन तब तक सब कुछ जल के राख हो गे रिहिस।
प्रशासन ह नुकसान के आंकलन करे म जुट गे हे। पुलिस अउ फायर ब्रिगेड के टीम आगी लगे के असल कारण के जांच करत हे। एहतियात के तौर म अभी घलो कूलिंग के काम जारी हे।
