रायपुर म जीएसटी के छापा: लक्ष्मी कमर्शियल अउ SRS ट्रेडर्स ऊपर कसाइस सिकंजा, 1 करोड़ के चोरी धराइस
raipur gst raid news : रायपुर। छत्तीसगढ़ के राजधानी म स्टेट जीएसटी ह दू बड़े फर्म मन ऊपर कड़ा कारवाही करे हे। भैंसथान के आशापुरा कॉम्प्लेक्स म स्थित लक्ष्मी कमर्शियल अउ एसआरएस ट्रेडर्स ऊपर छापा मार के 1 करोड़ रूपया के जीएसटी चोरी पकड़े गे हे। गुरुवार के बड़े फजर 4 बजे ले अधिकारी मन के टीम ह दूनों जगह म दबिश दीस।
कइसन होइस कारवाही? जीएसटी चोरी अउ बोगस बिलिंग (फर्जी बिल) के सिकायत मिले रहिस, जेखर आधार म जीएसटी के टीम ह ए छापा मारिस। लगभग 10 अधिकारी मन के टीम ह दूनों फर्म के चार अलग-अलग ठिकाना मन म एक संग पहुँचीन। दिन भर चले दस्तावेज मन के जांच म 1 करोड़ रूपया के टैक्स चोरी के पुस्ती होय हे।
कड़ी कारवाही के तइयारी जीएसटी विभाग अब दूनों फर्म मन ऊपर कड़ा कारवाही करे के तइयारी म हे। एमा भारी जुर्माना, टैक्स के वसूली अउ दूसर कानूनी कारवाही घलो करे जा सकथे। अधिकारी मन ह जम्मो जरूरी कागजात मन ला अपन कब्जा म ले ले हें।
