रायपुर म नौकरी के सुनहरा मौका: लाइवलीहुड कॉलेज म रोजगार मेला, 413 पद म होही भरती
Raipur Employment News : रायपुर। छत्तीसगढ़ के बेरोजगार नोनी-बाबू मन बर रायपुर म नौकरी के एक बड़ मौका आवत हे। जिला रोजगार अऊ स्वरोजगार मार्गदर्शन केंद्र कोति ले सोमवार के दिन लाइवलीहुड कॉलेज, जोरा म जिला स्तरीय रोजगार मेला के आयोजन करे जाही। ए मेला बिहनिया 11 बजे ले मंझनिया 3 बजे तक चलही।
ए रोजगार मेला म निजी क्षेत्र के पांच बड़े कंपनी मन आही, जऊन ह कुल 413 पद म भरती करही।
कऊन मन हो सकथें सामिल? (योग्यता)
ए मेला म कक्षा 5वीं, 8वीं, 10वीं, 12वीं पास ले लेके स्नातक (Graduate), स्नातकोत्तर (Post Graduate), आईटीआई (ITI), इंजीनियरिंग अऊ डिप्लोमा धारी लइका मन सामिल हो सकथें।
ए दस्तावेज मन ल लाना जरूरी हे
रोजगार मेला म इंटरव्यू अऊ चयन बर जावत खचत अपन संग ए कागजात मन ल जरूर रख लिहो:
सब्बो शैक्षणिक प्रमाण पत्र (Marksheets)
रोजगार पंजीयन कार्ड
आधार कार्ड
बायोडाटा (Resume) के फोटोकॉपी
पासपोर्ट साइज फोटो
जरूरी सूचना: रोजगार मेला म सामिल होय बर ‘छत्तीसगढ़ रोजगार एप’ के माध्यम ले ऑनलाइन आवेदन करना अनिवार्य हे। बिना पंजीयन के प्रक्रिया म दिक्कत हो सकत हे।
ए कंपनी मन लेवत हें हिस्सा
मेला म ESAF स्वश्रय मल्टीस्टेट एग्रो को-ऑपरेटिव सोसाइटी, JD हार्डस्केप्स प्राइवेट लिमिटेड, एल्क्सर कम्युनिकेशंस, परिश्रम ह्यूमन रिसोर्स अऊ ITM एडुटेक ट्रेनिंग जइसन नामी कंपनी मन आही। ए मन तकनीकी (Technical) अऊ गैर-तकनीकी (Non-Technical) पद मन बर भरती करहीं।
ट्रिपलआईटी (IIIT) नवा रायपुर म घलो भरती
डाॅ. श्यामा प्रसाद मुखर्जी अंतरराष्ट्रीय सूचना प्रौद्योगिकी संस्थान (IIIT) नवा रायपुर म घलो टेम्प्रेरी फैकल्टी अऊ प्रोफेसर के पद बर भरती निकले हे। इच्छुक मनखे 14 मई तक आवेदन कर सकथें। एकर शॉर्टलिस्टेड लिस्ट 20 मई के जारी करे जाही।
