रायपुर सेंट्रल जेल म 760 बंदी रखे हंवैं नवरात्र के उपवास, गूंजत हे जसगीत
रायपुर — रायपुर सेंट्रल जेल म नवरात्र के पावन अवसर म भक्ति अउ आस्था के अनोखा नजारा देखे बर मिलत हे। आम तौर पर जेल के चारदीवारी अउ कड़ा पहरा नजर आवथे, फेर इहिं बेरा मां दुर्गा के जयकारा गूंजत हे। जेल म बंद बंदी मन माता के आराधना म लीन हवय। खास बात इयह हे कि कुल 760 बंदी मन नौ दिन के उपवास रखे हवय, जसमा 52 महिला बंदी घलो साममिल हवय।
गूंजथें जसगीत अउ माता के जयकारा
नवरात्र के बेरा म रायपुर सेंट्रल जेल म रोज मां दुर्गा के पूजा-पाठ करे जात हे। बंदी मन ढोलक अउ मंजीरा के ताल म जसगीत गावत हवय। भजन-कीर्तन अउ माता के जयकारा के बीच पूरा जेल परिसर भक्तिमय हो गे हे। बंदी मन पूरा श्रद्धाभाव ले पूजा-पाठ म जुड़ के मां दुर्गा के आराधना करत हवय।
760 बंदी मन रखे हवय नौ दिन के उपवास
जेल म नवरात्र के बेरा उपवास रखेइया बंदी मन के संख्या 760 हे। जसमा 52 महिला बंदी घलो शामिल हवय। नौ दिन तक चलनेइया ये साधना म बंदी मन अपन आस्था के अनुसार पूजा-अराधना अउ भजन-कीर्तन करत हवय। जेल के भीतर नवरात्र के ये आयोजन श्रद्धा अउ अध्यात्म के बहुत सुंदर दृश्य देखावत हे।
भक्ति के बीच आत्मचिंतन के अवसर
जेल म रहइया बंदी मन बर नवरात्र के ये नौ दिन सिरिफ धार्मिक अनुष्ठान तक सीमित न्हेहे, बल्कि ओमन ल आध्यात्मिक शांति अउ आत्मचिंतन के अवसर घलो देवत हे। अपराध के आरोप या सजा के बीच गुजरइया जिनिंद्री म पूजा-पाठ अउ भक्ति के ये पल मन ओमन ल अपन आस्था ले जुड़ने के मौका देवत हे।
