Railway Fare Hike 2025 : रेलवे के नवा साल के झटका : 26 दिसंबर ले महंगा होही ट्रेन के सफर, AC अउ मेल-एक्सप्रेस के टिकट बर ढीला करे बर लगही जेब…
Railway Fare Hike 2025 :नवा दिल्ली : नवा साल के तिहार मनाए के तैयारी करत यात्री मन बर एक ठन दुखद खबर हे। भारतीय रेलवे ह अपन किराया में बढ़ोत्तरी करे के बड़का एलान कर दे हे। ये फैसला के सीधा असर लंबी दूरी के सफर तय करे वाला यात्री मन ऊपर पड़ही। रेलवे के नवा दर मन 26 दिसंबर 2025 ले पूरा देश में लागू हो जाही।
Railway Fare Hike 2025 :कोन-कोन श्रेणी में बढ़िस किराया?
रेलवे डाहर ले जारी आदेश के मुताबिक, किराया में ये बढ़ोत्तरी मुख्य रूप से ये श्रेणी मन में करे गे हे:
एसी क्लास (AC Coaches): फर्स्ट, सेकंड अउ थर्ड एसी के टिकट मन के दाम अब बढ़ जाही।
read more : CG CAF Jawan Murder : खूनी रंजिश : CAF जवान ह सोवत साथी ला मारीस गोली, नींद में ही होगिस मौत
मेल/एक्सप्रेस ट्रेन: दूरिहा जाय वाला एक्सप्रेस ट्रेन मन के रिजर्वेशन टिकट अब महंगा मिलही।
जनरल क्लास: साधारण डिब्बा में बइठ के जाय वाला मन ला घलो अब जादा पइसा दे बर पड़ही।
MST अउ लोकल में राहत
बढ़ती महंगाई के बीच एक ठन राहत के बात ये हे कि रेलवे ह रोज के यात्री मन के ख्याल रखे हे। लोकल ट्रेन अउ मासिक सीजन टिकट (MST) के दाम में कोनो बदलाव नई करे गे हे। मतलब, जे मन रोज दफ्तर या छोटे दूरी के सफर करथें, ओ मन ऊपर कोनो बोझ नई पड़ही।
कतेक बढ़ही पइसा?
बताय जावत हे कि अगर कोनो यात्री ह 500 किलोमीटर के सफर नॉन-एसी श्रेणी में करही, त ओला 10 रुपया जादा किराया दे बर पड़ही। इसी हिसाब ले एसी अउ दूसर बड़े दूरी के ट्रेन मन बर किराया के लिस्ट तैयार करे गे हे।
काबर बढ़िस किराया?
रेलवे के कहना हे कि ये बढ़ोत्तरी ले विभाग ला लगभग 600 करोड़ रुपया के जादा कमाई होही। ये पइसा के उपयोग रेलवे स्टेशन मन में सुविधा बढ़ाय बर, नवा कोच के रखरखाव, अउ सुरक्षा व्यवस्था ला दुरुस्त करे बर करे जाही। बीते 10 साल में रेलवे ह अपन नेटवर्क ला बहुत दूरिहा तक फैलाय हे, जेखर खर्चा ला सँभाले बर ये फैसला जरूरी रहिस।
