राष्ट्रपति मुर्मू पहुँचीं जगदलपुर : राज्यपाल डेका अऊ CM साय ह एयरपोर्ट म करिन जोरदार स्वागत
जगदलपुर : राष्ट्रपति द्रौपदी मुर्मू आज बस्तर संभाग के मुख्यालय जगदलपुर पहुँचीं। माँ दंतेश्वरी एयरपोर्ट म उतरते ही राज्यपाल रमेन डेका अऊ मुख्यमंत्री विष्णु देव साय ह फूल के गुच्छा भेंट करिन अऊ उनकर आत्मीय स्वागत करिन।
ए मौका म केंद्रीय राज्य मंत्री तोखन साहू, उप मुख्यमंत्री विजय शर्मा, वन मंत्री केदार कश्यप अऊ सांसद महेश कश्यप संग कतको बड़े नेता मन राष्ट्रपति के अभिवादन करिन। मुख्यमंत्री विष्णु देव साय ह कहिन कि माँ दंतेश्वरी के ए पावन अऊ ऐतिहासिक धरती म राष्ट्रपति के आना बस्तर अऊ पूरा छत्तीसगढ़ बर बड़े गरब के बात आय। उनकर आगमन ले हमर आदिवासी संस्कृति अऊ परंपरा ला अऊ जादा मजबूती मिलही।
राष्ट्रपति ह यहाँ ‘बस्तर पंडुम’ के सुभारंभ करिन। उनकर ए दौरा ले बस्तर के विकास अऊ जनजातीय समाज ला नवा प्रेरणा मिलही। राष्ट्रपति ला अपन बीच पाके बस्तर के लोगन मन म भारी उत्साह देखे बर मिलत हे।
