अभी तक PM किसान योजना के लाभ नइ मिले हे? त ऐसे करो रजिस्ट्रेशन
PM Kisan Yojana : प्रधानमंत्री किसान सम्मान निधि योजना के 23वीं किस्त जुलाई 2026 में आ सकत हे, जेमां किसान मन ला 2000 रुपया मिलही। अगर आप मन अभी तक सरकार के ए योजना के फायदा नइ उठाय हव, त इहां बताए तरीका ले आप मन ऑनलाइन या ऑफलाइन आवेदन कर सकत हव।
प्रधानमंत्री किसान सम्मान निधि योजना के अभी तक 22 किस्त जारी हो चुके हे। 13 मार्च 2026 के ए योजना के 22वीं किस्त किसान मन के बैंक खाता में डारे गे रिहिस अउ अब किसान मन ला 23वीं किस्त के अगोरा हे। केंद्र सरकार डहर ले किसान मन ला हर साल 6 हजार रुपया के आर्थिक मदद तीन किस्त में दे जाथे।
कौन कर सकत हे आवेदन? ए योजना के तहत पात्र किसान मन ला सालाना ₹6000 के मदद मिलथे। जेन किसान मन के नाम अभी तक लिस्ट में नइ हे, ओ मन आवेदन कर सकत हें। आवेदन ऑनलाइन अउ ऑफलाइन दोनों तरीका ले करे जा सकत हे।
अइसने करा ऑनलाइन आवेदन
-
सबले पहिली आधिकारिक वेबसाइट pmkisan.gov.in पर जाव।
-
‘New Farmer Registration’ पर क्लिक करा।
-
मांगे गे जानकारी ला सही-सही भरा।
-
फॉर्म ला सबमिट कर दव। फॉर्म जमा होय के बाद एहा राज्य नोडल अधिकारी करा वेरिफिकेशन बर जाही। किसान भाई मन चाहें त मोबाइल ऐप ले घलो रजिस्ट्रेशन कर सकत हें।
ऑफलाइन आवेदन के तरीका अगर आप ऑनलाइन आवेदन नइ कर पावत हव, त तीर-तखार के CSC सेंटर (Common Service Center) में जाके रजिस्ट्रेशन करवा सकत हव। एकर अलावा जिला स्तर पर ग्रीवेंस रिड्रेसल कमेटी ले घलो संपर्क करे जा सकत हे।
जरूरी कागजात (Documents)
-
आधार कार्ड
-
बैंक खाता अउ पासबुक
-
मोबाइल नंबर
-
IFSC/MICR कोड
-
जनम तिथि अउ परिवार के जानकारी
ए योजना के लाभ ले बर सही जानकारी देना अउ टेम पर e-KYC पूरा करना बहुते जरूरी हे।
