पेट्रोल-डीजल के दाम मां भारी उछाल, रायपुर मां 103 के पार पहुंचीस, पंप मन मां लगीस लम्बा कतार
Petrol Diesel Price Hike : रायपुर। छत्तीसगढ़ मां पेट्रोल अउ डीजल के दाम मां अचानक बढ़त दर्ज करे गिस हावय, जेकर ले आम जनता के जेब मां भारी असर परत हे। रायपुर मां पेट्रोल के दाम 103 रुपिया 48 पैसा तक पहुंच गे हे। ईंधन के नवा रेट आज शुक्रवार (15 मई 2026) ले लागू हो गे हावय।
दाम बाढ़े के खबर के बाद रायपुर के जम्मों पेट्रोल पंप मन मां भारी भीड़ अउ लंबी कतार देखे बर मिलिस। लोगन मन अपन गाड़ी के टंकी फुल कराय बर सुबह ले ही लाइन मां खड़े हें। अचानक बाढ़े ए दाम ला लेके जनता मां भारी नाराजगी हे। गाड़ी चलाय वाला मन के कहना हे कि लगातार बाढत महंगाई ह घर के बजट ला बिगाड़ के रख दे हावय।
अभय फ्यूल्स ले मिले जानकारी के मुताबिक, 14 मई के पेट्रोल 100.45 रुपिया रहिस, जेकर दाम आज ले 103.56 रुपिया हो गे हे। उही कोति डीजल घलो 93.39 रुपिया ले बढ़के 96.55 रुपिया तक पहुंच गे हे। डीजल मां 3.16 रुपिया अउ पेट्रोल मां 3.11 रुपिया के भारी बढ़ोतरी होय हावय।
रायपुर मां अफरा-तफरी के माहौल अइसन हे कि कई ठन पंप मन मां दोपहर तक तेल खलास हो गे। लोगन मन पेट्रोल बर एक पंप ले दूसरा पंप भटकत हें। खबर ये घलो हे कि कई जगह एक गाड़ी मां तेल देय के लिमिट तय कर दे गे हावय। तेल कंपनी मन कोति ले सप्लाई मां बाधा आय के सेती स्टॉक जल्दी सिरा गे, जेकर ले जनता के चिंता अउ बढ़ गे हे।
