पेटीएम चलाय्या मन बर बड़े खबर: अब बिना पिन डाले होही पेमेंट, फिंगर अउ चेहरा दिखा के कटही पैसा

Paytm New Features : अगर आप मन घलो पेटीएम (Paytm) के इस्तेमाल करथो, त आप मन बर एक बड़े अउ काम के खबर हे। कंपनी ह अपन यूजर मन बर दो ठन नवा अउ दमदार फीचर लॉन्च करे हे। अब आप मन ला पैसा भेजे बर बार-बार यूपीआई पिन (UPI PIN) डाले के झंझट ले छुटकारा मिल जाही। पेटीएम ह ‘बायोमेट्रिक ऑथेंटिकेशन’ अउ ‘कार्डलेस एटीएम विड्रॉल’ के सुविधा सुरु कर दे हे।

पिन के झंझट खतम, फिंगर ले होही काम
नवा फीचर के आए ले अब आप मन अपन चेहरा (Face ID) या अंगूठा (Fingerprint) लगा के पैसा भेज सकथो। ये सुविधा बिलकुल ओसने काम करही जैसे आप मन अपन मोबाइल के लॉक खोलथो। जे मन ला पिन याद रखे मा दिक्कत होथे, ओ मन बर ये बहुत बने सुविधा हे। फेर धियान राखव, एक बार मा आप मन सिरिफ 5000 रुपया तक ही बिना पिन के भेज सकथो। अगर आप मन ला पुराना तरीका पसंद हे, त पिन डाले के विकल्प घलो चालू रही।

बिना एटीएम कार्ड के निकलही कैश
दूसर बड़े सुविधा हे बिना कार्ड के एटीएम ले पैसा निकालना। अब अगर आप मन घर मा एटीएम कार्ड ला भुला गे हो, त घलो फिकर करे के बात नई हे। बस एटीएम मशीन मा जाके ‘UPI Cash Withdrawal’ चुनना होही अउ मोबाइल ले क्यूआर कोड (QR Code) ला स्कैन करके आप मन 10,000 रुपया तक नगद निकाल सकथो।

पेटीएम मा अइसने चालू करव ये फीचर:

अपन पेटीएम ऐप ला खोलव अउ प्रोफाइल मा जाव।

सेटिंग मा जाके ‘Pay with Fingerprint’ या ‘Face ID’ ला चुनव।

अपन बैंक खाता ला सेलेक्ट करव अउ जे निर्देश मोबाइल मा दिखही, ओला पालन करव।