पटवारी करे जमीन बिक्री के नांव मं ठगी, गुरूजी मन ले लिस लाखों रूपिया

अंबिकापुर मं गुरूजी मन संग ठगी के बड़े मामला निकल के आइस हे। राजस्व विभाग के पटवारी जमीन बेचई के नांव मं गुरूजी मन ले लाखों रूपिया ले लिस। पटवारी कहिस के एक महतारी भू-स्वामी के जमीन बिकत हवय अउ ओखर सौदा तय होगे हवय। ए बात मं भरोसा करके गुरूजी मन पटवारी ला 16 लाख रूपिया मं जमीन लेबर के बात मान लीन। 26 दिसम्बर 2024 ला पटवारी ला 9 लाख रूपिया नगद दे दिन।

बाद मं जब गुरूजी मन रजिस्ट्री करई बर भू-स्वामी महतारी के पाछू गइन, त ओमन कहिन के ओ मन त जमीन बिकईच नई करिन अउ पटवारी संग कोनो बात घलो नई होय हे। ए बात सुनके गुरूजी मन के होश उड़गे। ओमन तुरत थाने पहुंचके रिपोर्ट लिखाइन।

ए मामला धौरपुर थाना के ग्राम कारोली के हावय। गुरूजी मुनेश्वर राम पैकरा, अनुकदास अउ सूर्यदेव तिग्गा तीनो मिलके जमीन लेबर के प्लान बनाइन रहिन। पटवारी जीवन प्रकाश एक्का अपन चालाकी ले सौदा तय कराके मनखे मन ले मोटी रकम ठग लिस।

पुलिस मामला दरज करके पटवारी ला धरपकड़ कर ले हे। ए ठगी के मामला दिखाथे के जमीन लेन-देन मं कोनो बिचौलिया मं भरोसा नई करई, सीधे मालिक ले बात करई चाही। पुलिस ए मामला मं आगू के कारवाही करत हवय।