NHM मा संविदा भर्ती: CHO, नर्स अऊ टेक्नीशियन के 87 पद बर निकले हे वैकेंसी, जानव कइसे अऊ कब तक करना हे आवेदन
बलौदाबाजार। रोजगार के खोज म लगे जुवा मन बर एक बड़े अऊ सुनहरा मौका निकल के आबे हे। मुख्य चिकित्सा अऊ स्वास्थ्य अधिकारी, जिला बलौदाबाजार-भाटापारा डहार ले राष्ट्रीय स्वास्थ्य मिशन (NHM) के तहत कुल 87 संविदा पद मन बर भर्ती के विज्ञापन जारी करे गे हे। जउन मनखे मन ये पद बर इच्छुक हें, ओ मन 28 फरवरी 2026 तक अपन आवेदन भेज सकत हें।
जानकारी के मुताबिक, ये भर्ती म सामुदायिक स्वास्थ्य अधिकारी (CHO) के 17 पद, नर्सिंग ऑफिसर के 4 पद, स्टाफ नर्स के 36 पद, अऊ ANM के 2 पद शामिल हें। एकरे संग काउंसलर, सपोर्ट स्टाफ, जूनियर सेक्रेट्रीयल असिस्टेंट, लैब असिस्टेंट, साइकोलॉजिस्ट, फिजियोथेरेपिस्ट, अऊ सिक्योरिटी गार्ड जइसन अलग-अलग पद मन बर घलो संविदा नियुक्ति करे जाही।
ये संविदा पद मन बर छत्तीसगढ़ के स्थानीय निवासी मन ही आवेदन कर सकत हें। अभ्यर्थी मन ला अपन आवेदन पत्र निर्धारित प्रपत्र म भर के कार्यालय, मुख्य चिकित्सा अऊ स्वास्थ्य अधिकारी, जिला बलौदाबाजार-भाटापारा (छ.ग.) के पता म भेजना होही। आवेदन भेजे के आखिरी तारीख 28 फरवरी 2026, संझा 5 बजे तक हे। ध्यान रखव कि आवेदन सिरिफ पंजीकृत डाक (Registered Post) या स्पीड पोस्ट के माध्यम ले ही स्वीकार करे जाही। अऊ जादा जानकारी बर विभाग के वेबसाइट https://balodabazar.gov.in/ म जाके देख सकत हव।
