NCERT भर्ती 2025 : 173 पद म निकलिस सरकारी नौकरी, 10वीं पास ले लेके बड़े पढ़े-लिखे मन बर मौका, 27 दिसंबर ले भरव फॉर्म

NCERT भर्ती 2025 : शिक्षा मंत्रालय के अधीन आने वाला NCERT ह साल 2025 बर नॉन-टीचिंग भर्ती के विज्ञापन जारी कर दीस हे। ए भर्ती म ग्रुप ए, बी अउ सी के कुल 173 पद ला भरे जाही। सबले बढ़िया बात ये हे कि एमा 10वीं पास ले लेके पोस्ट-ग्रेजुएट तक के युवा मन अपन योग्यता के हिसाब ले फॉर्म भर सकत हें।

NCERT भर्ती 2025 : जरूरी तारीख मन ला नोट कर लव
NCERT के ए भर्ती बर ऑनलाइन आवेदन 27 दिसंबर 2025 के बिहनिया 9 बजे ले शुरू हो जाही। फॉर्म भरे के आखिरी तारीख 16 जनवरी 2026 के रात 11:55 बजे तक तय करे गे हे। आखिरी तारीख के भरोसा झन रहव, समय म अपन फॉर्म भर लेव।

कोन-कोन पद म होही भर्ती?
एमा अलग-अलग लेवल के कुल 173 पद हें:

ग्रुप ए: 09 पद (बड़े अधिकारी मन बर)

ग्रुप बी: 26 पद

ग्रुप सी: 138 पद (सबले जादा वैकेंसी एही म हे)

पढ़ाई अउ चयन के तरीका
ए भर्ती म पद के हिसाब ले पढ़ाई मांगे गे हे। कुछु पद बर सिरिफ 10वीं या 12वीं पास होना जरूरी हे, त कुछु पद बर कॉलेज के डिग्री मांगे गे हे। चयन कइसे होही: सबले पहिली एक लिखित परीक्षा होही। ओखर बाद पद के जरूरत के हिसाब ले ‘स्किल टेस्ट’ (जैसे टाइपिंग) या इंटरव्यू घलो हो सकत हे।

सैलरी अउ सुविधा
NCERT म काम करे म सम्मान घलो हे अउ पैसा घलो बढ़िया हे। लेवल-2 के पद म बेसिक सैलरी 19,900 रुपिया ले शुरू होथे, अउ लेवल-12 के पद बर ये 78,800 रुपिया तक जाथे। एखर अलावा महंगाई भत्ता, घर किराया अउ घूमे-फिरे के भत्ता घलो सरकारी नियम के हिसाब ले मिलही।

आवेदन कइसे करना हे?
आवेदन करे बर आप मन ला NCERT के वेबसाइट ncert.nic.in म जाना होही। ओमा भर्ती (Vacancy) वाले सेक्शन म जाके ऑनलाइन फॉर्म भरना होही। फोटो, दस्तखत अउ जरूरी कागजात ला स्कैन करके अपलोड करना झन भूलव।