Mathura News : जेब मा ‘काल’ धरके अस्पताल पहुँचिस शख्स : बोलिस- एही कोबरा ह मोला काटे हे, सांप देखके डॉक्टर मन के उड़गे होश
Mathura News : मथुरा (उत्तर प्रदेश): यूपी के मथुरा ले एक अइसन चकित करइया मामला आगू आई हे, जेला सुनके ककरो घलो रोंवा खड़ा हो जाही। यहाँ एक झन ई-रिक्शा चलाय वाला दीपक कुमार राजपूत ल एक जहरीला कोबरा कुकुर सांप ह काट लिस। सांप के काटे के बाद डर के मारे ककरो घलो हालत खराब हो जाथे, लेकिन दीपक ह ओ जहरीला सांप ल धरिस अऊ अपन जेब में डार के खुद ई-रिक्शा चलावत जिला अस्पताल पहुँच गे।
Mathura News : जब डॉक्टर ह पुछिस कि का होय हे, त दीपक ह अपन जेब ले जिन्दा कोबरा ल निकालिस अऊ बोलिस— “डॉक्टर साहब, एही हर मोला काटे हे, अब मोर इलाज करा।” हाथ में लहरावत कोबरा सांप ल देखके अस्पताल में हड़कंप मच गे। डॉक्टर अऊ मरीज मन डरा के भागे लगिन। पुलिस वाले मन के घलो दीपक के तीर जाय के हिम्मत नई होइस।
डॉक्टर मन साफ़ कहिदिन कि जब तक सांप ल दूर नई करबे, इलाज नई होवय। ए बात ले दीपक ह भड़क गे अऊ हाथ में सांप धरे-धरे हंगामा करे लगिस। बड़े मुश्किल ले समझा-बुझा के ओला राजी करिन, तब ओ ह सांप ल एक डब्बा में बंद करिस अऊ ओखर बाद डॉक्टर मन ओकर इलाज शुरू करिन। दीपक के कहना हे कि ओला पहिली घलो कई बार सांप-बिच्छू काट चुके हें, ओखर ऊपर जहर के असर नई होवय। फेर कोबरा जइसन जहरीला सांप ल जेब में धरके घूमना ओकर जान लेवा हो सकत रिहिस।
