साय कैबिनेट के बड़े फैसला; छत्तीसगढ़ में लागू होही UCC, महिला मन ला रजिस्ट्री में 50% के छूट
UCC बर समिति के गठन अउ महिला मन बर बड़े छूट
रायपुर। छत्तीसगढ़ में समान नागरिक संहिता (UCC) लागू करे बर सरकार ह कमर कस लीस हे। कैबिनेट ह फैसला करे हे कि सेवानिवृत्त न्यायाधीश रंजना प्रकाश देसाई के अध्यक्षता में एक समिति बनाए जाही, जो UCC के ड्राफ्ट तैयार करही। ये समिति जनता अउ विशेषज्ञ मन ले सलाह लेके कानून ला सरल अउ एकरूप बनाही।
कैबिनेट बैठक के प्रमुख फैसला मन:
महिला मन ला सौगात: अब छत्तीसगढ़ में महिला मन के नाम ले जमीन रजिस्ट्री कराए मा स्टाम्प शुल्क में 50 प्रतिशत के भारी छूट दी जाही। एखर से महिला मन आर्थिक रूप ले मजबूत होही।
सैनिक मन ला राहत: देश के सेवा करइया सैनिक, भूतपूर्व सैनिक अउ ओखर विधवा मन ला अपन जीवनकाल में एक बार 25 लाख तक के संपत्ति खरीदे पर स्टाम्प ड्यूटी में 25 प्रतिशत के छूट मिलही।
रेत अउ खनिज नियम में बदलाव: रेत के किल्लत ला दूर करे बर अब सरकारी कंपनी (CMDC) ला रेत खदान आबंटित करे जा सकही। खनिज के अवैध उत्खनन अउ परिवहन करे वइया मन ऊपर भारी जुर्माना (25 हजार ले 5 लाख तक) के प्रावधान करे गे हे।
पशुपालक मन बर योजना: दुधारू पशु प्रदाय योजना में अब सबो वर्ग के मनखे मन ला लाभ मिलही। साथ ही, पशु मन बर टीका (Vaccine) के कमी न होय एखर बर हैदराबाद के कंपनी ले सीधा खरीदी करे के अनुमति दे गे हे।
MP सरकार ले मिलही पैसा: मध्यप्रदेश पुनर्गठन के समय ले पेंशन के जो 10,536 करोड़ रुपया ज्यादा भुगतान हो गे रहिस, ओला अब मध्यप्रदेश सरकार ह छत्तीसगढ़ ला वापस करही। 2000 करोड़ मिल गे हे, बाकी के पैसा 6 किश्त में मिलही।
