महादेव सट्टा ऐप मामला: टीवी होस्ट शेफाली बग्गा ले रायपुर में ED ह करिस पूछताछ, टेलीग्राम चैनल अउ विदेशी कनेक्शन ह जांच के घेरा में
Mahadev App Case Shefali Bagga : रायपुर : प्रवर्तन निदेशालय (ED) ह महादेव ऑनलाइन सट्टा ऐप से जुड़े मनी लॉन्ड्रिंग मामला में अपन जांच ल अघू बढ़ावत हुए नामी टीवी होस्ट अउ स्पोर्ट्स एंकर शेफाली बग्गा ल शिकंजा में ले हे। ईडी के टीम ह रायपुर के जोनल ऑफिस में शेफाली बग्गा ल बुला के लंबा समय तक पूछताछ करिस। जांच एजेंसी ल संदेहा हे कि शेफाली के संबंध ये पूरा गिरोह के एक बड़े आरोपी के साथ जुड़े हुए हे।
हवाला ऑपरेटर खंजन ठक्कर से कनेक्शन के संदेहा केंद्रीय जांच एजेंसी के मुताबिक, ये मामला के मुख्य आरोपी खंजन जगदीश कुमार ठक्कर, महादेव ऑनलाइन बुक नेटवर्क के सबले बड़े हवाला ऑपरेटर माने जाथे। ईडी के दावा हे कि खंजन ह भारत में ये सट्टा नेटवर्क के पूरा पइसा के लेन-देन अउ हवाला कारोबार ल सम्हालत रहीस। एजेंसी ल सक हे कि शेफाली बग्गा ह दुबई अउ लंदन जइसन विदेशी सहर मन ले चले वाले ये अवैध सट्टा ऐप के प्रचार-प्रसार में सामिल रहीस हे।
सट्टा के टिप्स देवे के घलो आरोप जांच के दौरान ईडी के हाथ कतको अइसन ठोस डिजिटल सबूत अउ प्रमोशनल पेज लगे हे, जेकर ले शेफाली बग्गा के मुसकिल मन बाढ़ सकत हे। ये कागज मन के आधार पर, ओ ह सिरिफ ये सट्टा ऐप के परमोसन बस नहीं करत रहीस, बल्कि मनखे मन ल दांव लगाए अउ जीते बर खास टिप्स घलो देवत रहीस।
टेलीग्राम चैनल घलो रडार में ईडी के जांच टीम के नजर अब शेफाली बग्गा के पर्सनल टेलीग्राम चैनल पर घलो हे। आरोप हे कि ये चैनल के उपयोग अवैध सट्टा ल बढ़ावा देवे, विज्ञापन करे अउ सटोरिया मन ल सीक्रेट टिप्स बांटे बर करे जात रहीस। ईडी अभी ये सब कड़ी मन ल जोड़ के मामला के गहराई ले जांच करत हे, अउ पूछताछ में मिले जानकारी के आधार पर जल्द ही अघू के बड़ी कार्रवाई करे जा सकत हे।
