भाजपा नेता अउ दू संगी मन ला जिंदा जलाए के बाद तनाव, ए इलाका म लागू होइस धारा 163
Korea Murder Case : कोरिया। छत्तीसगढ़ के कोरिया जिला के सोनहत तहसील के कटगोड़ी गांव म होए खौफनाक वारदात के बाद पूरा इलाका म भारी तनाव के माहौल हे। पुरानी रंजिश के सेती भाजपा नेता भरत सिंह गहरवार उर्फ लल्ला सिंह अउ उनके संगी मन के फॉर्च्यूनर गाड़ी म आगी लगा दे गिस, जेखर से लल्ला सिंह केउहां च मौके म मौत हो गिस। उहें गंभीर रूप से झुलसे उनके दू संगी नागेंद्र सिंह अउ विरेन्द्र सिंह ह इलाज के बराव दम तोड़ दिन। ए तिहरा हत्याकांड के बाद शांतिभंग होए के आशंका ला देखत हुए जिला प्रशासन ह तुरंते कड़ा रुख अपनाए हे।
कलेक्टर रोक्तिमा यादव ह स्थिति ला काबू म रखे बर महलपारा बैकुंठपुर, नौगई अउ कटगोड़ी म बने भरत सिंह के क्रेशर प्लांट के आसपास 300 मीटर के दायरा म तुरंते धारा 163 लागू कर दे हें। ए आदेश के तहत प्रभावित इलाका म कोनो भी किसम के घातक अस्त्र-शस्त्र, हथियार या विस्फोटक सामान लेके चले, जुलूस निकाले, धरना-प्रदर्शन करे अउ आमसभा करे म पूरा तरीका से रोक लगा दे गए हे। एकर साथे-साथ इलाका म कोनो भी किसम के आपत्तिजनक नारा लगाए या पोस्टर बांटे म घलो रोक रही।
ए पूरा घटना मंगलवार के रात करीब 10:30 बजे के आय, जब लल्ला सिंह अपन संगी मन के साथ कटगोड़ी गांव म मनोज त्रिपाठी के घर के सोझा पहुंचे रहिन। उहां पुरान बिवाद ला लेके मनोज त्रिपाठी, निशांत त्रिपाठी अउ उनके अउ संगी मन ह लल्ला सिंह के फॉर्च्यूनर गाड़ी म पेट्रोल छिड़क के आगी लगा दिन, जेखर से तीन झन के जान चली गिस। अभी प्रशासन अउ पुलिस बल कानून व्यवस्था ला बनाए रखे बर पूरा तरीका से मुस्तैद हें।
